ایڈیشنل چیف سیکرٹری جنوبی پنجاب کیپٹن (ر) ثاقب ظفر نے دورہ متی تل کا دورہ کیا ہے۔

تفصیلات کے مطابق ایڈیشنل چیف سیکرٹری جنوبی پنجاب کیپٹن (ر) ثاقب ظفر نے ملتان میں دورہ متی تل کا دورہ کرتے ہوئے سیکرٹریٹ بلڈنگ کے منصوبے پر پیش رفت کا جائزہ لیا ہے جس میں کمشنر ڈاکٹر ارشاد احمد اور ڈپٹی کمشنر عامر کریم خان نے انہیں بریفننگ دی ہے۔ اس دورہ میں کیپٹن (ر) ثاقب ظفر کے ساتھ ایڈیشنل سیکرٹری کوآرڈینیشن رضوان قدیر اور اسسٹنٹ کمشنر سٹی خواجہ عمیر محمود بھی موجود تھے۔

کیپٹن (ر) ثاقب ظفر کا اس دورے کے دوران کہنا تھا کہ جنوبی پنجاب سیکرٹریٹ بلڈنگ کو مقررہ مدت میں ہر صورت مکمل کیا جائے گا۔

ایڈیشنل چیف سیکرٹری نے کہا کہ جنوبی پنجاب سیکرٹریٹ میں تمام انتظامی محکموں کا پیپر لیس جدید سیٹ اپ ہو گا۔

ثاقب ظفر نے کہا کہ حکومت جنوبی پنجاب کے عوام کے مسائل ان کی دہلیز پر حل کرنا چاہتی ہے۔

ایڈیشنل چیف سیکرٹری کا کہنا تھا کہ جنوبی پنجاب سیکرٹریٹ کو مالی اور انتظامی طور پر اختیارات دے دیے گئے ہیں۔

ایڈیشنل چیف سیکرٹری کا یہ بھی کہنا تھا کہ ہم رولز آف بزنس کی منظوری کے بعد خدمت کا سفر مزید تیز کریں گے۔

ڈاکٹر ارشاد احمد کا اس موقعے پر کہنا تھا کہ حکومت پنجاب نے اس خطے کے لیے سٹیٹ آف دی آرٹ منصوبہ دیا ہے۔

ڈپٹی کمشنر نے کہا کہ ضلعی انتظامیہ نے لینڈ ایکوزیشن سمیت تمام ریونیو مراحل ریکارڈ مدت میں مکمل کر لیے ہیں۔

عامر کریم خان کا کہنا تھا کہ سیکرٹریٹ بلڈنگ میں جدید تعمیراتی تقاضوں کو مدنظر رکھا گیا ہے۔

کمشنر ملتان کا کہنا تھا کہ جنوبی پنجاب سیکرٹریٹ کے قیام سے گڈ گورننس کا وژن پورا ہو گا اور سیکرٹریٹ منصوبے کی تکمیل کے لیے ہر قسم کی معاونت فراہم کر رہے ہیں۔