دیپال پور کی ہونہار بیٹی ایمان اقبال نے بورڈ آف انٹرمیڈیٹ کے امتحان میں پہلی پوزیشن حاصل کر لی ہے۔
تفصیلات کے مطابق دیپال پور کی ہونہار بیٹی ایمان اقبال نے بورڈ آف انٹرمیڈیٹ کے امتحان میں 1100 میں سے 1100 نمبر حاصل کر کے پہلی پوزیشن حاصل کر کے اپنے والدین، اساتذہ اور کمیانہ خاندان کا سر فخر سے بلند کر دیا ہے۔
یاد رہے ایمان اقبال سابق ریوینیو آفیسر حاجی چوہدری نذیر احمد کمیانہ کی پوتی، معروف بینکار آفیسر، سماجی شخصیت چوہدری محمد اکرم کمیانہ بھتیجی، چوہدری محمد اقبال کمیانہ کی صاحبزادی، معروف نوجوان قانون دان چوہدری سلمان اکرم کمیانہ ایڈووکیٹ کی چچازاد کزن ہے۔
واضح رہے کہ اس سے پہلے ان کی دو بہنیں حمائل اقبال اور مناہل اقبال نے بھی بورڈ میں پاکستان بھر سے پہلی پوزیشن لی تھی اور اس ہی خاندان کی ازکی اکرم نے بھی پاکستان بھر میں آئی کام میں نمایاں پوزیشن حاصل کی تھی۔