افغان وزیرخارجہ امیرخان تقی کی سربراہی میں افغان طالبان کا اعلٰی سطحی وفد آج پاکستان آئے گا۔

تفصیلات کے مطابق افغان طالبان وفد میں تجارت اورخزانہ کے وزرا بھی شامل ہوں گے۔ افغان وزیرخارجہ دورہ پاکستان کے دوران اقتصادی تعلقات میں توسیع پر بات چیت کریں گے۔

افغان وفد افغانستان کی صورتحال پر2 روزہ ٹرانیکا پلس اجلاس میں بھی شرکت کرے گا جو 11 اور 12 نومبر کو اسلام آباد میں ہوگا۔ جس میں پاکستان، روس، امریکہ اور چین کے وفود شرکت کریں گے۔

افغان طالبان کا حکومتی وفد وزیرخارجہ شاہ محمود قریشی کی دعوت پر پاکستان کا دورہ کر رہاہے۔

دوسری جانب آج بھارت افغانستان کے حوالے سےعلاقائی سلامتی مذاکرات کی میزبانی کر رہا ہے۔ پاکستان اور چین نے بھارت میں ہونے والے اعلٰی سطح کے اجلاس میں شرکت سے پہلے ہی انکار کردیا تھا۔

واضح رہے کہ بھارت کے شہر دہلی میں ہونے والے اجلاس میں ایران، قازقستان، کرغزستان، روس، تاجکستان، ترکمانستان اورازبکستان شرکت کریں گے۔