فیصل آباد کے محلہ فاروق آباد میں شادی والا گھر صف ماتم بن گیا۔

تفصیلات کے مطابق مہندی کی تقریب میں ڈانس نہ کرنے پر بااثر افراد نے گھر جلا دیا۔ بیٹے کی بارات لے جانے کے بجائے متاثرین ضلع کونسل چوک پہنچ گئے۔

متاثرہ خواتین نے تھانہ منصورہ آباد پولیس کے خلاف احتجاج کرتے ہوئے پولیس کے خلاف شدید نعرے بازی کی۔

اہل خانہ کا کہنا تھا کہا  کہ محلے کے بااثر افراد نے گھر پر حملہ کیا ، اعلیٰ افسران نوٹس لیں۔

متاثرین نے بااثر افراد کے خلاف قانونی کارروائی کیے لیے درخواست دائر کردی۔

اس موقع پر انہوں نے کہا کہ شراب کے نشے میں دھت ہو کرخواتین کے ساتھ بدتمیزی کی جاتی رہی جبکہ متعلقہ پولیس ملزمان کے خلاف کاروائی کرنے سے گریزاں ہے۔

پولیس نے متاثرہ خاندان کی درخواست پر سابق پولیس کانسٹیبل سمیت پانچ نامزد اور پانچ نامعلوم ملزمان کے خلاف مقدمہ درج  کرلیا گیا ہے، مقدمے میں نامزد سابق پولیس کانسٹیبل کو گرفتار بھی کر لیا ہے۔

دوسری جانب پولیس حکام نے ایس پی مدینہ ڈویژن نے بروقت موقع پر نہ پہنچنے پر اے ایس آئی اور افسران کو اطلاع میں غفلت پر تھانہ کی سیکیورٹی پر مامور کانسٹیبل کو معطل کر دیا ۔