پیپلزپارٹی کی مرکزی رہنما پلوشہ خان نے کہا ہے کہ عمران خان نے آج اپنے خاندان کی کہانی پر یوٹرن لے لیا۔

پاکستان پیپلزپارٹی کی مرکزی رہنما اور سینیٹر پلوشہ خان نے اپنے بیان میں کہا ہے کہ عمران خان نے آج اپنے خاندان کی کہانی پر یوٹرن لے لیا وہ کہتے تھے ان کے پاس والدہ کے علاج کیلئے پیسے نہیں تھے۔

انہوں نے کہا کہ نیازی صاحب نے جھوٹ اتنے بولے ہیں کہ پہلی کہانی بھول جاتے ہیں، وہ کہتے تھے صحت کارڈ ہیلتھ انشورنس ہے، اب کہتے ہیں ہیلتھ سسٹم ہے، عمران خان کے سارے کارڈ جھوٹے ہیں دھوکا ہیں۔

پلوشہ خان نے کہا کہ عمران خان کے اسپتال میں کورونا ٹیسٹ بھی مفت نہیں ہوتا، سندھ میں این آئی سی وی ڈی کا نام سن کر عمران خان کا خون خولتا ہے، انہیں تکلیف ہے کہ سندھ میں کینسر اور گردوں کا علاج مفت ہوتا ہے۔