کورونا پھیلاؤ کے خدشات، مزید علاقوں میں سمارٹ لاک ڈاؤن نافذ کرنے کا فیصلہ
کورونا کے بڑھتے کیسز کے پیشِ نظر صوبائی دارلحکومت کے آٹھ علاقوں میں سمارٹ لاک ڈاؤن نافذ کرنے کا فیصلہ کر لیا گیا ہے۔
صوبائی دارلحکومت کے علاقوں میں سمارٹ لاک ڈاؤن نافذ کرنے کا فیصلہ کر لیا گیا ہے، آٹھ مقامات میں آج سے سمارٹ لاک ڈاؤن نافذ کرنے کا نوٹیفیکیشن بھی جاری کردیا گیا ہے۔
نوٹیفیکیشن کے مطابق حیات آباد میں تین مقامات جبکہ ورسک روڈ، زریاب کالونی، ہزار خوانی کے ایک ایک علاقے میں لاک ڈاؤن نافذ کیا گیا ہے ، سمارٹ لاک ڈاؤن کے دوران ان علاقوں سے ان آوٹ انٹری بند رہے گی۔
ڈپٹی کمشنر پشاور کیپٹن (ر) کا کہنا ہے کہ ان علاقوں میں کورونا وائرس کے کیسز رپورٹ ہونے کی وجہ سے سمارٹ لاک ڈاؤن لگایا گیا جا رہا ہے، سمارٹ ڈاؤن لگانے کا مقصد کورونا کے پھیلاؤ کو روکنا ہے۔
خالد محمود کا یہ بھی کہنا ہے کہ ان علاقوں میں صرف ضروری اشیاء خوردنوش، میڈیسن، جنرل سٹور، تندور اور ایمرجنسی سروس کی دکانیں کھلی رہیں گی جبکہ ان علاقوں کی مساجد میں صرف پانچ افراد کو باجماعت نماز پڑھنے کی اجازت ہو گی۔
ڈپٹی کمشنر پشاور کیپٹن (ر) خالد محمود کا مزید کہنا ہے کہ پشاور:علاقہ مجسٹریٹ اور پولیس کو سمارٹ لاک ڈاؤن پر عمل درآمد کے حوالے سے ہدایات جاری کر دی گئیں، خلاف ورزی کر نے والوں کے خلاف قانونی کاروائی عمل میں لائی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News