پاکستان کسان اتحاد کی جانب سے احتجاجی ریلی کا انعقاد ہوا ہے۔

کسان اتحاد کی جانب سے بیج اور بجلی کے بلوں میں اضافی ٹیکسز لگائے جانے اور کھاد کی مارکیٹ میں عدم دستیابی پر احتجاجی مظاہرہ کیا جا رہا ہے۔

احتجاجی مظاہرین نے ملتان روڈ پر ریلوے پھاٹک بند کر دیا جس کے باعث ملتان روڈ اور کالونی روڈ پر راہگیروں کو مشکلات کا سامنا کرنا پڑ رہا ہے۔

مظاہرین کا کہنا تھا کہ ہم حکومت کی جانب سے بیج، بجلی بلوں پر اضافی ٹیکسز اور کھاد کی بلیک کرنے پر احتجاجی مظاہرہ کر رہے ہیں، حکومت کی جانب سے ظالمانہ پالیسیاں بنائی جا رہی ہیں۔

احتجاجی مظاہرین کا کہنا تھا کہ جس طرح ٹیکسز میں اضافہ کیا گیا ہے اسی طرح اجناس کی قیمتوں میں بھی اضافہ کیا جائے، مطالبات تسلیم نہ کیے گئے تو ملک بھر میں احتجاج کریں گے۔