سعید غنی نے کہا ہے کہ نیازی کو بھاگنا ہے اور بلاول کو لانا ہے۔

اپنے ایک بیان میں وزیر اطلاعات سندھ سعید غنی نے کہا کہ ہم نے پہلے عمران خان کو ایک ٹریلر دیکھایا ہے۔

انہوں نے کہا کہ 27  فروری کو عظیم الشان ریلی کی قیادت بلاول بھٹو کریں گے ،ہم اپنے چیئرمین کی تقریر سنیں گے اور اسی مقام پر اپنے چیئرمین کے ساتھ اسلام آباد کے لیے نکلیں گے۔

وزیر اطلاعات سندھ کا کہنا تھا کہ اس ملک میں عوام کو کچھ نہیں ملا ہے اور اب صرف بلاول بھٹو زرداری ہی عوام کی آواز ہیں۔

سعید غنی نے کہا کہ ہم نے مہنگائی کے خلاف مظاہرے کئے جبکہ گیس اور اب پیٹرول کی قیمتوں کے خلاف بھی مظاہرے کئے۔

ان کا مزید کہنا تھا کہ ہر ماہ بجلی کی قیمتوں میں اضافہ ہورہا ہے جبکہ یہاں دالوں اور دواؤں کی قیمتیں آسمان پر چلی گئی ہیں۔

وزیر اطلاعات سندھ سعید غنی نے نعرے لگاتے ہوئے کہا کہ اسلام آباد جانا ہے، غریب کو بچانا ہے جبکہ بلاول کو لانا ہے اور عمران کو بھگانا ہے