متحدہ قومی موومنٹ پاکستان کے کنوینر خالد مقبول صدیقی نے کہا ہے کہ ہم ساتھ نہ ہوتے تو عمران خان وزیراعظم نہیں رہتے ہیں۔

وزیراعظم عمران خان سے ملاقات کے بعد میڈیا سے بات چیت کرتے ہوئے خالد مقبول صدیقی نے اپنے خیالات کا اظہار کیا ہے۔

انہوں نے صحافی کے سوالات کا جواب دیتے ہوئے کہا کہ وزیر اعظم کو چائے پلانے کے لیے بلایا تھا اور ہم نے چائے پلائی بھی ہے۔

 انہوں نے عدم اعتماد کے حوالے سے صحافی کے سوال کا جواب دیتے ہوئے کہا ہے کہ  اگر ہم وزیراعظم کے ساتھ نہیں ہیں تو عمران خان وزیراعظم نہیں رہتے۔

خیال رہے کہ اس سے قبل ایم کیو ایم پاکستان کے عارضی دفتر پر ملاقات کے دوران وزیراعظم اور خالد مقبول صدیقی کے درمیان مکالمہ بھی ہوا تھا۔

اس دوران وزیراعظم نے بتایا کہ اسد عمر ایم کیو ایم اور کراچی کے مسائل پر بات کرتے رہتے ہیں جس کی پیش نظر ہم نے سندھ حکومت سے زیادہ کراچی کو اون کیا اور ساتھ ہی ایم کیوایم کے مسائل بھی ہمیشہ حل کرنے کی کوشیش کی ہے۔

وزیراعظم کا کہنا تھا کہ ایم کیو ایم نے ہمیشہ حکومت کا ساتھ دیا ہے اور آج بھی ایم کیو ایم کے ساتھ کی ضرورت ہے۔

ملاقات کے دوران ملک کی موجودہ سیاسی صورت حال اور سندھ کے شہری علاقوں میں ترقیاتی منصوبوں کے حوالے سے بات چیت ہوئی۔

ایم کیو ایم کے رہنماؤں نے وزیر اعظم کو کراچی پیکج پر عمل درآمد اور دیگر معامملات پر اپنے تحفظات سے آگاہ کیا۔

ملاقات کے دوران خالد مقبول صدیقی نے ہمارے دفاتر اب تک نہیں کھلے ہیں، جس پر وزیر اعظم نے کہا کہ آپکے دفاتر جلد کھل جائیں گے۔