وزیراعظم عمران خان نے او آئی سی وزرائے خارجہ اور وفود کی آمد کا خیر مقدم کیا ہے۔

سماجی رابطے کی ویب سائٹ ٹویٹر پر اپنے ایک پیغام میں وزیراعظم عمران خان نے کہا کہ پاکستان کی عوام او آئی سی وفود کی آمد  کو باعث  افتخار سمجھتے ہیں۔

وزیراعظم عمران خان نے مزید کہا کہ او ائی سی  وزرائے خارجہ وسیع ابنیاد معاملات پر غور وخوض کریں گے۔

میں OICرکن ممالک سےتشریف لانےوالےوزرائے خارجہ و وفود،مبصرین،شراکت داروں اور عالمی تنظیموں کا اسلام آباد میں #48OICCFM میں پرجوش خیرمقدم کرتا ہوں۔”اتحاد،عدل اور ترقی“کےجامع عنوان کےتحت OICکی وزرائےخارجہ کونسل وسیع ترمشاورتی عمل سے گزرےگی۔آپکی موجودگی اہلِ🇵🇰کیلئےباعثِ اعزازہے

Advertisement

— Imran Khan (@ImranKhanPTI) March 20, 2022

دوسری جانب اسلامی تعاون تنظیم کی وزرائے خارجہ کونسل کے اجلاس میں شرکت کے لئے اسلامی ممالک کے وزرائے خارجہ اور اہم شخصیات کی آمد کا سلسلہ شروع ہوگیا ہے۔

خیال رہے کہ اسلامی تعاون تنظیم کے وزرائے خارجہ کونسل کا 48 وں اجلاس 22 اور 23 مارچ کو اسلام آباد میں منعقد ہوگا، جس میں 48 ممبر ممالک کے وزرا شرکت کریں گے۔

واضح رہے حکومت نے او آئی سی اجلاس سے پہلے ہی عدم اعتماد کامعاملہ نمٹانے کا فیصلہ کرتے ہوئے کہا تھا کہ او آئی سی اجلاس کے وقت ملک سیاسی بحران کا متحمل نہیں ہوسکتا۔

بعد ازاں حکومت نے اوآئی سی اجلاس کے بعد قومی اسمبلی کا اجلاس بلانے کا فیصلہ کیا تھا، جس کے بعد تحریک عدم اعتماد پر ووٹنگ 29 مارچ کو کرانے کا امکان ہے۔