پشاور میں جامع مسجد کوچہ رسالدار خود کش دھماکے کی تفصیلی سی سی ٹی فوٹیج منظر عام پر آگئی ہے اور ساتھ ہی ایک سہولت کار کی بھی شناخت کی جاچکی ہے۔

ویڈیو میں دیکھا جاسکتا ہے کہ دہشت گرد کس طرح آئے اور کیسے منصوبہ بندی کے ساتھ حملہ کیا ہے۔

https://www.bolnews.com/urdu/wp-content/uploads/2022/03/WhatsApp-Video-2022-03-07-at-10.09.13-AM.mp4?_=3

https://www.bolnews.com/urdu/wp-content/uploads/2022/03/WhatsApp-Video-2022-03-07-at-10.22.49-AM.mp4?_=4

خیال ہرے کہ گزشتہ ہفتے نماز جمعہ کے وقت خودکش دھماکے میں 62 نمازی شہید اور تقریباً 200 زخمی ہوئے تھے۔

علاوہ ازیں کوچہ رسالدار بم دھماکے کے اس وقت ایل آر ایچ میں 23 زخمی داخل ہیں جبکہ جانبحق تعداد 63 ہو گئی ہے ۔

اس حوالے سے ذرائع کا کہنا ہے کہ کوچہ رسالدار خودکش دھماکے میں ملوٹ نیٹ ورک کے خلاف مختلف اضلاع میں آپریشنز جاری ہیں جبکہ سی ٹی ڈی اسپیشل انوسٹی گیشن کی چار ٹیمیں مختلف قبائلی اضلاع میں موجود ہیں۔

ذرائع نے بتایا ہے کہ نیٹ ورک میں شامل دو مشتبہ سہولت کاروں کی شناخت ہو گئی ہے۔

ذرائع نے بتایا کہ خودکش بمبار کی عرفیت عبداللہ نامی تھی جو نام بدلتا رہتا تھا جبکہ ایک مشتبہ سہولت کار کا ڈیٹا اور تصویر حاصل کر لی گئی ہے۔

یاد رہے کہ پولیس اور سی ٹی ڈی کی تفتیشی ٹیم نے خودکش حملے کے زخمیوں کے بیانات قلم بند کیے ہیں۔

پولیس ذرائع کا کہنا ہے کہ تفتیشی ٹیم نے مختلف علاقوں میں سی سی ٹی وی کیمروں میں حاصل ہونے والی وڈیوز کی جانچ پڑتال کی ہے۔

گواہوں کے بیانات اور سی سی ٹی وی وڈیوز سے معلوم ہوا ہے کہ خودکش حملہ آور کو رکشہ میں لایا گیا اور اس کے ساتھ 2 دیگر لوگ بھی تھے جنہوں نے خودکش حملہ کی سہولت کاری کی۔

خود کش حملہ آور اور دونوں سہولت کاروں کے خاکے تیار کرلیے گئے ہیں، اس کے علاوہ 2 مشتبہ افراد کو حراست میں بھی لے لیا گیا ہے۔

تھانہ سی ٹی ڈی میں مسجد خودکش دھماکے کا مقدمہ ایس ایچ او تھانہ خان رازق کی مدعیت میں درج کرلیا گیا ہے۔