جے یو آئی سربراہ مولانا فضل الرحمان نے کہا ہے کہ برادر ہمسایہ ملک افغانستان میں زلزلے میں ہونے والے نقصان پر شدید افسوس ہے۔

مولانا فضل الرحمان نے افغانستان میں زلزلے میں ہونے والے نقصان پر افسوس کا اظہار کرتے ہوئے کہا کہ زلزلے میں جاں بحق افراد کے اہل خانہ اور افغان قوم سے اظہار تعزیت کرتا ہوں۔

ان کا کہنا تھا کہ جاں بحق افراد کی بلندی درجات کے لئے دعا گو ہوں، اس مشکل وقت میں ہم برادر ملک کے شانہ بشانہ ہیں۔

انہوں نے کہا کہ فلاحی تنظیموں سے انسانی ہمدردی کی بنیاد طبی اور دیگر شعبوں میں تعاون کی اپیل ہے، دکھ کی اس گھڑی میں برادر اسلامی ملک کو تنہا نہیں چھوڑیں گے۔