پاکستان میں غیر قانونی سگریٹ کی تجارت میں خطرناک حد تک اضافہ
پاکستان میں غیر قانونی سگریٹ کی تجارت میں خطرناک حد تک اضافہ رکارڈ ہوا ہے۔
پاکستان ٹوبیکو کمپنی کی جانب سے جاری کردہ رپورٹ کے مطابق غیر قانونی سگریٹس کا اضافہ مارکیٹ میں 40 فیصد تک پہنچ چکا ہے۔
جاری کردہ رپورٹ کے مطابق سگریٹس کی غیر قانونی تجارت سے قومی خزانے کو سالانہ 70 سے 80 ارب روپے کا نقصان ہو رہا ہے۔
کمپنی کا کہنا تھا کہ گرین لیف تھریشنگ کی سطح پر ایڈوانس ٹیکس کو 10 روپے سے بڑھا کر 300 روپے سے 500 روپے فی کلو گرام تک کی جائے۔
رپورٹ میں کہا گیا کہ ٹریک اینڈ ٹریس سسٹم کے نفاز کو یقینی بنانے سے ٹیکس چوری روکنا ممکن ہے، کل 40 کمپنیوں میں سے صرف 3 کمپنیوں کی جانب سے ٹریک اینڈ ٹریس کے اقدامات کیے گئے ہیں۔
پاکستان ٹوبیکو کمپنی کا کہنا ہے کہ برانڈ لائسنسنگ کے قانون پر عملدرآمد نہیں ہو رہا، 200 سے زائد سگریٹ برانڈ بغیر رجسٹریشن کے فروخت ہو رہے ہیں، حکومت سگریٹ برانڈ رجسٹریشن قانون پر عمل درآمد کروائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News