کینیڈین ہائی کمشنر نے کہا ہے کہ عید الاضحیٰ عالم اسلام کا اہم اور بڑا تہوار ہے۔

تفصیلات کے مطابق کینیڈا میں پاکستان کے ہائی کمشنر ظہیر اسلم جنجوعہ نے اپنے ایک بیان میں کینیڈا اور دنیا بھر میں مقیم پاکستانیوں کو عید الاضحیٰ کی مبارکباد پیش کی ہے۔

ظہیر اسلم جنجوعہ کا کہنا تھا کہ کہا کہ عید الاضحیٰ عالم اسلام کا اہم اور بڑا تہوار ہے، اپنی اہمیت اور فضیلت کے حوالے سے یہ تہوار منفرد شناخت کا حامل ہے۔

انہوں نے کہا کہ اس دن حضرت ابراہیم علیہ السلام نے اطاعت ربانی کا اعلیٰ ترین مظاہرہ کرتے ہوئے اپنے بیٹے حضرت اسماعیل علیہ السلام کی قربانی دے کر ثابت کر دیا کہ قربانی محض ریت و رواج کا نام نہیں بلکہ یہ عمل اللہ تعالی کی رضا جوئی اورتجدید ایمان کا ذریعہ اور ایثار، قربانی اور صبر وشکر جیسے عظیم انسانی جذبات و احساسات کا مظہر ہے۔

کینیڈین ہائی کمشنر ظہیر اسلم جنجوعہ نے اہل ثروت لوگوں پر زور دیا کہ وہ اس عید قرباں کے موقع پر اپنے غریب عزیزو اقارب اور ارد گرد رہنے والے نادار اورمستحق لوگوں کو بھی اپنی قربانی اور خوشیوں میں شریک کریں کیونکہ ایثار،بھائی چارہ اور آپسی محبت ہی اس تہوار کی اصل روح اور معراج ہے۔