ملک کو معاشی بحران سے نکالنے  کے لیے آرمی چیف  جنرل قمر جاوید باجوہ متحرک ہوگئے۔

غیرملکی میڈیا کی رپورٹ کے مطابق  آرمی چیف  جنرل قمر جاوید باجوہ نے امریکی  ڈپٹی سیکریٹری وینڈی شرمن سے فون پر بات چیت کی ہے۔

رپورٹ میں کہا گیا ہے کہ  آرمی چیف  نے وینڈی شرمن سے آئی ایم ایف کےقرض پروگرام کا عمل  تیز کرنے کی درخواست  کی۔

انہوں نے کہا  آئی ایم ایف کا1.2 ارب ڈالر قرضے کا عمل تیز کیا جائے ۔ وائٹ ہاؤس  آئی ایم ایف پر1.2 ارب ڈالر کی فراہمی کے لیے آئی ایم ایف پر دباؤ ڈالے۔

واضح رہے کہ   آئی ایم ایف نے پاکستان کو قرض پروگرام کے تحت  1.2   ارب ڈالر دینے کی منظوری دی تھی۔

آرمی چیف اس حوالے سے پہلے بھی  خلیجی اور برادراسلامی ممالک سے رابطے کرچکے ہیں۔

جنرل قمر جاوید باجوہ نے  سعودی عرب،یواےای  اور چین  سمیت  دیگر دوست ممالک سے بھی تعاون  کے لیے بات چیت کی تھی۔

سابق وزیر اعظم عمران خان کی حکومت میں آرمی چیف نیشنل اکنامک کونسل کے ممبر بھی رہے اور انہوں نے  ہمیشہ ملک اور عوام  کے مفادات کو سرفہرست رکھا۔