پنجاب کے وزیر تعلیم مراد راس نے نان ٹیچنگ اسٹاف کو بڑی خوشخبری سنادی ہے۔

تفصیلات کے مطابق صوبائی وزیر تعلیم مراد راس نے پنجاب کی عوام کے لئے ایک اور خوش آئند اعلان کیا ہے۔

نان ٹیچنگ اسٹاف کے متعلق بات کرتے ہوئے صوبائی وزیر نے کہا کہ محکمہ اسکول ایجوکیشن پنجاب میں نان ٹیچنگ اسٹاف کی 11 ہزار سے زائد آسامیوں پر بھرتی کے لئے سمری پر دستخط ہو گئے ہیں۔

ANNOUNCEMENT
Third good news is that the Summary of Non – Teaching Staff in School Education Department Punjab (BS-01 to BS-04) for more than 11,000+ jobs has been initiated, signed & moved forward. Opportunities should be created for as many as possible at this time.

Advertisement

— Murad Raas (@DrMuradPTI) August 18, 2022

اس حوالے سے مراد راس نے کہا کہ 11 ہزار سے زائد آسامیوں پر گریڈ 1 سے گریڈ 4 تک غیر تدریسی عملے کو بھرتی کیا جائے گا، عوام کو معاشی بدحالی سے نکالنے کے لئے دن رات کام کر رہے ہیں۔

وزیر تعلیم پنجاب نے کہا کہ گزشتہ چند ماہ کے دوران مسلم لیگ ن حکومت کی جانب سے محکمہ تعلیم پنجاب کو پیچھے دھکیلا گیا، ہماری بھرپور کوشش ہے کہ عوام کے لئے بہتر سے بہتر روزگار کے مواقع فراہم کیے جائیں۔

مراد راس نے مزید کہا کہ پاکستان تحریک انصاف حکومت کی اولین ترجیح عوام کی خوشحالی اور فلاح ہے۔