وزیر خارجہ بلاول بھٹو نے کہا ہے کہ پاکستان میں اس وقت سیلاب متاثرین کے لئے بہت کام کرنے کی ضرورت ہے۔

تفصیلات کے مطابق واشنگٹن میں وزیر خارجہ بلاول بھٹو نے پریس کانفرنس کرتے ہوئے کہا کہ امریکا کے دورے کا اولین مقصد سیلاب متاثرین کی مدد رہا ہے۔

انہوں نے کہا کہ امریکا کے دورے پر وزیر اعظم کی دیگر رہنماؤں سے ملاقاتیں ہوئیں ہیں جبکہ سیکریٹری جنرل نے یو این اجلاس کے موقع پر سیلاب کو سرفہرست رکھا ہے۔

دوسری جانب وزیر خارجہ بلاول بھٹو زرداری نے یو ایس آئی پی  تقریب سے خطاب کرتے ہوئے کہا کہ پاکستان دنیا کے 10 موسمیاتی تبدیلی سے متاثر ہونے والے ممالک میں شامل ہے جبکہ حالیہ سیلاب سے پاکستان میں تباہی موسمیاتی تبدیلی کی وجہ سے پیش آیا ہے جس کی وجہ سے پاکستان کا نصف حصہ پانی میں ڈوب ہوا ہے۔

انہوں نے بتایا کہ پاکستان میں سیلاب سے 33 ملین لوگوں راتوں رات بے گھر ہوگئے ہیں جبکہ تباہ کن سیلاب نے ایک ہزار چھ سو لوگوں کی جان لے لی جبکہ 16 ملین بجے اپنے گھروں سے محروم ہوئے ہیں ۔

وزیر خارجہ کا کہنا تھا کہ موسمیاتی تبدیلی کی وجہ سے سیلاب نے پاکستانی معشیت کا رخ تبدیل کردیا جس کی بہتری کے لئے ہم عالمی برادری کے ساتھ مل کر موسیماتی تبدیلی پر کام کرنے کو تیار ہیں۔

انہوں نے مزید کہا کہ پاکستان امریکہ سے دو طرفہ تعلقات کو اہمیت دیتا ہے، ہم امریکہ اور پاکستان کے درمیان اچھے تعلقات چاہتے ہیں۔

انہوں نے کہا کہ معشیت کی بہتری کے لئے پاکستان امریکہ کے ساتھ تجارت کو ترجیی دیتا ہے  جبکہ توانائی، زراعت اور دیگرشعبوں کی بہتری کے لئے پاکستان امریکہ کے ساتھ کام کرنے کو تیار ہے۔