سابق چیف جسٹس بلوچستان ہائیکورٹ محمد نور مسکانزئی کے قاتلوں کو گرفتار کرلیا گیا ہے۔

تفصیلات کے مطابق ڈی آئی جی سی ٹی ڈی نے پریس کانفرنس کرتے ہوئے بتایا ہے کہ سابق چیف جسٹس بلوچستان ہائیکورٹ کے قاتلوں کو خاران سے گرفتار کرلیا ہے جس کی شناخت شفقت اللہ یالانزئی کے نام سے ہوئی ہے۔

انہوں نے بتایا کہ  ملزم نے اپنے جرم کا اعتراف کیا ہے اور اپنے ساتھی کی نشاندہی بھی کی ہے جبکہ اس کے قبضے سے موٹرسائیکل، دستی بم اور موبائل فون برآمد کیا گیا ہے۔

انہوں نے مزید بتایا کہ ملزم کو ہمسایہ ملک سے کارروائیاں کرنے کیلئے احکامات ملتے تھے تاہم ملزم سے خاران میں نیٹ ورک کے تمام ڈیڑیلز حاصل کرلی ہیں۔

خیال رہے کہ رواں ماہ بلوچستان کے علاقے خاران میں فائرنگ کے نتیجے میں سابق چیف جسٹس بلوچستان ہائیکورٹ محمد نور مسکان زئی جاں بحق ہوگئے تھے۔

ڈپٹی انسپکٹر جنرل پولیس (ڈی آئی جی) رخشان کے مطابق فائرنگ کا واقعہ خاران کے علاقے گزگی میں پیش آیا تھا۔