آڈیو لیکس کی تحقیقات کے معاملے پر سابق وزیراعظم اور چیئرمین پی ٹی آئی عمران خان نے سپریم کورٹ سے رجوع کر لیا ہے۔

تفصیلات کے مطابق عمران خان نے آڈیو لیک کی تحقیقات کیلئے  سپریم کورٹ میں درخواست دائر کی ہے۔

آڈیو لیکس کی تحقیقات۔@ImranKhanPTI نے معاملہ سپریم کورٹ کے سامنے اٹھا دیا، آڈیو لیکس کی تحقیقات کے لئے باضابطہ طور پر آئینی درخواست دائر۔ درخواست میں عدالتِ عظمی سے معاملے کی تفصیلی تحقیقات اور ذمہ داروں کے تعین کیلئے مشترکہ تحقیقاتی ٹیم کے قیام کی استدعا کی گئی ہے- pic.twitter.com/VWrf5FqBlC

Advertisement

— PTI (@PTIofficial) October 20, 2022

دائر کی جانے والی درخواست میں استدعا کی گئی ہے کہ آڈیو لیک کی تحقیقات کیلئے جوڈیشل کمیشن یا مشترکہ تحقیقات ٹیم  بنائی جائے۔

اسکے علاوہ عمران خان نے مزید آڈیوز کو لیک روکنے کی بھی استدعا کردی  ہے ۔

درخواست میں استدعا کی گئی ہے کہ آڈیو لیکس کی تحقیقات کروا کر ذمہ داران کو سزا دی جائے اور  وزیر اعظم ہاؤس سمیت آفس کی نگرانی، ڈیٹا ریکارڈنگ اور آڈیو لیکس کو غیر قانونی قرار دیا جائے۔

درخواست میں استدعا کی گئی کہ حکومت اور متعلقہ اتھارٹیز کو مزید آڈیوز کی ریلیز کو روکنے کا حکم دیا جائے۔

خیال رہے کہ عمران خان کی جانب سے درخواست میں آئی بی، ایف آئی اے اور پیمرا کو بھی فریق بنایا گیا ہے  جبکہ درخواست میں وزارت داخلہ،دفاع، آئی ٹی اور وزارت اطلاعات کو فریق بنایا گیا ہے۔