کراچی ترقی کرے گا تو پورا پاکستان ترقی کرے گا، سراج الحق
سراج الحق نے کہا ہے کہ کراچی ترقی کرے گا تو پورا پاکستان ترقی کرے گا۔
تفصیلات کے مطابق امیر جماعت اسلامی سراج الحق نے فیڈریشن آف پاکستان چیمبر آف کامرس اینڈ انڈسٹری کے سابق صدر،کاٹی کے سرپرست،معروف بزنس مین ایس ایم منیر کے انتقال پر ان کے گھر جاکر ان کے بھائی ایس ایم نصیر،ایس ایم پرویز، ایس ایم جاوید، ایس ایم فرہاد اور صاحبزادوں ایس ایم تنویر، ایس ایم عرفان منیر اور ایس ایم عمران سے ملاقات کی اور اظہارِ تعزیت کی۔
اس موقع پر سراج الحق نے مرحوم کی مغفرت اور لواحقین و پسماندگان کے لیے صبر جمیل کی دعا بھی کی۔
سراج الحق نے کہا کہ ایس ایم منیرکو بزنس کمیونٹی میں نمایاں مقام حاصل تھا، مرحوم نے بزنس کمیونٹی کے لیے مثالی خدمات انجام دی اور مختلف تجارتی و کاروباری اداروں کی سرپرستی کی۔
امیر جماعت اسلامی سراج الحق نے مزید کہا کہ ملک میں امامت دار قیادت کی ضرورت ہے، کراچی ترقی کرے گا تو پورا پاکستان ترقی کرے گا۔
ملاقات میں امیر جماعت اسلامی صوبہ سندھ محمد حسین محنتی ، امیر کراچی حافظ نعیم الرحمن، جنرل سکریٹری منعم ظفر خان، سکریٹری اطلاعات زاہد نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News