سابق وزیراعظم اور چیئرمین پی ٹی آئی عمران خان کی جانب سے صوبہ پنجاب میں صحت عامہ کے حوالے سے شروع کئے جانے والے میگا پراجیکٹس کے متعلق بھرپور مہم چلانے کی ہدایت کی ہے۔

تفصیلات کے مطابق چئیرمین پی ٹی آئی عمران خان سے صوبائی وزیر صحت ڈاکٹر اختر ملک کی زمان پارک میں ملاقات ہوئی۔

ملاقات کے دوران سیاسی صورتحال، لانگ مارچ، انتخابات اور ترقیاتی منصوبوں پر بات چیت  کی گئی جبکہ ڈاکٹر اختر ملک کی جانب سے مختلف اسپتالوں کے گئے دوروں سے متعلق بھی آگاہ کیا گیا ۔

Advertisement

Provincial Minister Primary and Secondary Health Department Dr Akhtar Malik called on Chairman PTI @ImranKhanPTI today. pic.twitter.com/Rj53Yzrn6p

— PTI (@PTIofficial) November 18, 2022

اسکے علاوہ ہیلتھ فیسلیٹیز میں عوام کو معیاری سہولیات فراہم کرنے کے لئے واضع کردہ میکانزم پر آگاہ کیا  جس پر عمران خان نے ڈاکٹر اختر ملک کے شروع کردہ اقدامات پر مکمل اطمینان کا اظہار کرتے ہوئے کہا کہ محکمہ صحت میں کرپشن سے پاک ماحول اور بھرتی میں میرٹ کلچر فروغ دیا جائے۔

عمران خان نے ہدایت دی کہ صحت عامہ کے شروع کردہ میگا پراجیکٹس سے متعلق بھرپور آگہی مہم چلائی جائے۔

اس موقع پر ڈاکٹر اختر ملک  کا کہنا تھا کہ پنجاب حکومت صحت عامہ کی منصوبوں کی جلد تکمیل کے لئے دن رات کوشاں ہیں، ہمارے عوامی منصوبے شہریوں کی زندگی میں بہتری اور نئے رحجانات کا تعین کریں گے اور محکمہ صحت میں ایڈہاک بھرتیوں سے اسپتالوں کی صورتحال میں نمایاں بہتری آئی گی۔