پی ٹی آئی کے چئیر مین عمران خان کی لانگ مارچ کیلئے فنڈز فراہم کرنے کی اپیل کو اوورسیز پاکستانیوں نے ویلکم کردیا ہے۔

اوور سیز پاکستانیوں کا اس حوالے سے کہنا ہےکہ پیسہ کیا عمران خان کے لئے جان بھی حاضر ہے۔

ان کا مزید کہنا ہےکہ لانگ مارچ کے لئے اوورسیز پاکستانی دل کھول کر مدد کریں گے۔

واضح رہےکہ پی ٹی آئی چیئرمین عمران خان نے گزشتہ روز اپنے ایک بیان میں کہا کہ کوئی بھی دنیا کی تحریک ڈونیشنز اور پیسے کے بغیر کامیاب نہیں ہوتی، ہماری حقیقی آزادی مارچ کو آپ کی ڈونیشنز کی ضرورت ہے۔

ان کا کہنا تھا کہ حقیقی آزادی مارچ کو کامیاب کرنے کے لیے Insaafdonate.com پر اپنے ڈونیشنز دیجئے۔

انہوں نے لوگوں سے اپیل کی کہ زیادہ سے زیادہ ڈونیشنز فراہم کر کے ہماری تحریک کو کامیاب کریں۔

حقیقی آزادی مارچ کا دوسرا مرحلہ: عمران خان آج شرکاء سے خطاب کرینگے

پاکستان تحریک انصاف کا حقیقی آزادی مارچ دوسرے مرحلے کے 9 ویں روز آج چکوال کا رُخ کرے گا۔

انتظامیہ کی جانب سے لانگ مارچ کے 9 ویں روز کا شیڈول جاری کر دیا گیا ہے۔

مرکزی سیکرٹری جنرل تحریک انصاف اسد عمر حقیقی آزادی مارچ قافلے کی قیادت کرینگے، حقیقی آزادی مارچ قافلے کا چکوال شہر میں 6 مقامات پر استقبال کیا جائے گا۔

حقیقی آزادی مارچ کب راولپنڈی پہنچے گا؟
عمران خان نے تاریخ کا اعلان کردیا
صبح 9 بجے کی تمام اہم خبریں صرف بول نیوز پر #ImranKhan pic.twitter.com/CfP8gBBYfb

— BOL Network (@BOLNETWORK) November 18, 2022

یہ بھی پڑھیں: عدالت کا کراچی اور حیدرآباد میں فوری الیکشن کا شیڈول جاری کرنے کا حکم

ذرائع کے مطابق چکوال میں حقیقی آزادی مارچ کے حوالے سے عوامی اجتماع کا انعقاد کیا جائے گا، مرکزی سیکرٹری جنرل اسد عمر چکوال میں 4 بجے مارچ کے شرکاء سے مخاطب ہونگے۔

چکوال میں چئیرمین پی ٹی آئی اور سابق وزیراعظم عمران خان کا خطاب براہ راست بڑی اسکرین پر دکھانے کا اہتمام کیا جائے گا۔

چئیرمین پاکستان تحریک انصاف عمران خان شام پانچ بجے کے بعد بذریعہ وڈیو لنک کے ذریعے بھون چوک میں مارچ کے شرکاء سے خطاب کریں گے۔