سابق وزیراعظم عمران خان کی قیادت میں پاکستان تحریک انصاف کا حقیقی آزادی مارچ آج ساتویں روز میں داخل ہوچکا ہے جس کا آغاز وزیرآباد سے ہوگا۔

ساتویں روز کے آغاز کے متعلق پی ٹی آئی رہنما حماد اظہر نے کہا ہے کہ آج لانگ مارچ کا آغاز وزیرآباد میں دوپہر ایک بجے ہوگا۔

آج جمعرات کے دن ریلی کے آغاز کا مقام اور وقت:

کوٹ خضری ، وزیرآباد

Advertisement

ایک بجے دوپہر

— Hammad Azhar (@Hammad_Azhar) November 2, 2022

لانگ مارچ کے روٹ پر مختلف مقامات پر استقبالیہ کیمپ لگا دیے گئے ہیں جبکہ سندھ سے علی زیدی قافلہ لے کر پہنچ گئے  ہیں۔

اس حوالے سے سینیٹر فیصل جاوید کا کہنا ہے کہ عمران خان کا فوری انتخابات کا مطالبہ کرنے والا لانگ مارچ پاکستان کا اب تک کا سب سے بڑا مارچ بن گیا ہے جس میں ہزاروں اور ہزاروں لوگ شامل ہو رہے ہیں۔

انہوں نے بتایا ہے کہ 10 نومبر کے بعد 20 لاکھ سے زائد افراد اسلام آباد میں داخل ہوں گے۔

خیال رہے کہ گزشتہ روز پی ٹی آئی کے رہنما اور سابق وفاقی وزیر اسد عمر نے پارٹی چیئرمین عمران خان کی قیادت میں حقیقی آزادی مارچ کے قافلے راولپنڈی اور اسلام آباد پہنچنے کے حوالے سے  نیا شیڈول جاری کیا تھا۔

پی ٹی آئی رہنما اسد عمر نے سوشل میڈیا پر جاری اپنے پیغام میں لکھا کہ حقیقی آزادی مارچ کے نئے شیڈول کے مطابق عمران خان 10 نومبر کو راولپنڈی پہنچیں گے۔

انہوں نے مزید لکھا کہ 11 نومبر کو تمام قافلے اسلام آباد پہنچیں گے۔

لانگ مارچ کے چھٹے روز کی جھلکیاں:

پاکستان تحریک انصاف کی جانب سے لانگ مارچ کے چھٹے روز کی جھلکیاں بھی شیئر کی گئی ہین جس میں عوام کا جوش و خروش دیکھا جاسکتا ہے۔

Yesterday was another historic day of the Haqeeqi Azadi March!
Highlights from the day 6 via @waniaahmeds #حقیقی_آزادی_لانگ_مارچ pic.twitter.com/hY9oeVKJNt

— PTI (@PTIofficial) November 3, 2022

تاریخی حقیقی آزادی مارچ کے چھٹے دن کی چند جھلکیاں!
Video via @naalainefatimah
#حقیقی_آزادی_لانگ_مارچ pic.twitter.com/mM1JTAaON6

— PTI (@PTIofficial) November 3, 2022

Highlights of Day 6 from our historic Haqeeqi Azadi March! #حقیقی_آزادی_لانگ_مارچ pic.twitter.com/fUg32fglxa

— PTI (@PTIofficial) November 3, 2022