لندن سے سازش بے نقاب کرنے والے ن لیگی رہنما تسنیم حیدر کو سنگین دھمکیاں ملنے لگی ہیں۔

مسلم لیگ (ن) کے رہنما تسنیم حیدر شاہ نے اپنی پریس کانفرنس میں بتایا کہ مجھے اور خاندان کو قتل کرنے کی دھمکی آمیز فون کالز آرہی ہیں۔

تسنیم حیدر نے کہا کہ سینئر لیگی قیادت کی طرف سے موقف سے پیچھے ہٹنے کیلئے لینے رابطہ کیا گیا ہے، مجھے پھانسی لگا دیں، جیل میں ڈال دیں اپنے موقف سے پیچھے نہیں ہٹوں گا۔

تسنیم حیدر کی جان خطرے میں
بیان واپس لینے پر دباؤ
لیگی قیادت فرار… #TasneemHaider pic.twitter.com/AXtYWsp3Y6

Advertisement

— BOL Network (@BOLNETWORK) November 22, 2022

ناصر بٹ کو میں نے وائس پریذیڈنٹ بنوایا، تسنیم حیدر کا دعویٰ

انہوں نے کہا کہ عمران خان قتل سازش کا حصہ بننے پر ناصر بٹ نے  مقدمات ختم کروانے کا وعدہ کیا، انہوں نے کہا یہ کام ہو جائے ایک ہی طیارے میں نواز شریف کے ساتھ واپس پاکستان جائیں گے۔

تسنیم حیدر نے دعویٰ کیا کہ ناصر بٹ کو میں نے وائس پریذیڈنٹ بنوایا۔ ناصر بٹ نے کہا پاکستان پہنچنے پر پولیس کچھ نہیں کرے گی، انہوں نے لالچ دیا نواز شریف کے ساتھ انکی گاڑی میں گھومنے گئے۔

لیگی رہنما نے کہا کہ عمران خان حملے کی جے آئی آئی نے رابطہ کرکے انٹرویو ریکارڈ کیا، جے آئی ٹی وڈیو لنک کے ذریعے مجسٹریٹ کے سامنے بیان ریکارڈ کروا رہا ہوں۔

پورا خاندان قتل کر دیں گے
تسنیم حیدر کو دھمکی آمیز کالز #TanseemHaider pic.twitter.com/rzP9AbUCZB

— BOL Network (@BOLNETWORK) November 23, 2022

تسنیم حیدر نے کہا کہ مسلم لیگ ن کے کہنے پر کھبی قتل نہیں کیا۔ بیگم کلثوم نواز کی میت خود اپنے ہاتھوں سے اسپتال سے باہر لے کر آیا تھا۔

‘نواز شریف یورپ فرار ہوگیا ہے’

انکا کہنا ہے کہ ترجمان ن لیگ کی تقرری کا نوٹیفکیشن وکیل کے پاس موجود ہے عدالت کو دکھائیں گے، ناصر بٹ تو پیادہ ہے اصل میں مریم نواز، نواز شریف، شہباز شریف کو گرفتار ہونا ہے جو اصل قاتل ہیں۔

تسنیم حیدر نے کہا کہ نواز شریف یورپ فرار ہوگیا ہے، میں تو پاکستان میں وانٹڈ ہوں یہ لوگ تو لندن میں بھی وانٹڈ ہیں۔

انہوں نے مزید کہا کہ سازش کیلئے ہونے والی ملاقاتوں میں پتہ چلا کہ اصل ملک دشمن لوگ تو یہاں بیٹھے ہیں، دفتر کے اندر نواز شریف کا چہرہ مختلف اور لوگوں کے سامنے مختلف ہے۔