رہنما تحریک انصاف مسرت چیمہ نے کہا ہے کہ قاتلانہ حملے میں ملوث لوگوں کی برطرفی تک احتجاج جاری رہے گا۔

تفصیلات کے مطابق رہنما تحریک انصاف مسرت چیمہ نے لبرٹی چوک میں میڈیا سے گفتگو کرتے ہوئے کہا کہ جب عمران خان پر حملہ ہوا وہ پاکستان کی تاریخ کا افسوسناک دن تھا، اعظم سواتی کی جذباتی پریس کانفرنس کبھی نہیں بھولیں گے۔

ان کا کہنا تھا کہ ہماری ایف آئی آر ابھی تک درج نہیں ہوئی، 48 گھنٹے تک ایف آئی آر درج نہیں ہوئی۔

مسرت چیمہ نے کہا کہ 3 لوگوں کی برطرفی تک احتجاج جاری رہے گا، ایف آئی آر درج نہ ہونا یہاں کے نظام کا پول کھول رہا ہے۔