بحیرہ عرب میں انسدادِ منشیات کارروائی کے دوران 27 کلو گرام ہیروین اور 1460 کلو چرس برآمد کی گئی ہے۔

اس حوالے سے ترجمان پی ایم ایس اے کا کہنا ہے کہ پاکستان میری ٹائم سیکیورٹی ایجنسی اور کلیکٹو ریٹ آف کسٹمز انفورسمنٹ کراچی کا بحیر عرب کے پانیوں میں گزشتہ پانچ دنوں کے اندر مسلسل تین انسدادِ منشیات کارروائی کی گئی۔

ترجمان نے بتایا کہ کارروائی کے دوران 3 کشتیوں سے27 کلو گرام ہیروین اور 1460 کلو چرس برآمد جس کی مالیت تقریباً 3 ارب روپے بتائی جاتی ہے۔

ترجمان کا کہنا تھا کہ ایک کشتی کے اسمگلروں نے پی ایم ایس اے کے جہاز کو دیکھتے ہی اپنی کشتی کو آگ لگا کر سمندر میں چھلانگ لگا دی تھی تاہم انھیں بحفاظت بچا لیا گیا اور منشیات سمیت تینوں کشتیوں میں موجود تمام 15 سمگلروں کو حراست میں لے لیاگیا ہے۔

 ترجمان پی ایم ایس اے کا کہنا تھا کہ تمام اسمگلروں اور منشیات کو کراچی پہنچا دیا گیا ہے۔

ترجمان نے بتایا کہ گزشتہ تین ہفتوں میں دونوں اداروں کا مشترکہ چوتھا آپریشن ہے جس میں اب تک 8 ارب مالیت کی منشیات اور 21 اسمگلروں کو حراست میں لیا گیا ہے جبکہ اسمگلروں اورمنشیات کو مزید تفشیش او ہے۔ر قانونی کارروائی کے لیے کلیکٹو ریٹ آف کسٹمزانفو رسمنٹ کراچی کے حوالے کر دیا گیا