پاکستان تحریک انصاف کے چیئرمین عمران خان نے کہا ہے کہ مجھے بند گلی میں دھکیلنے کا مطلب ملک کو بند گلی میں دھکیلناہے۔

تفصیلات کے مطابق سابق وزیراعظم اور چیئرمین پی ٹی آئی عمران خان نے سینئر صحافیوں سے گفتگو کرتے ہوئے کہا ہے کہ حکومت انتخابات 2023 سے آگے لے کر جانا چاہتی ہے۔

انہوں نے کہا کہ ملک کی موجودہ معاشی صورتحال میں انتخابات کو آگے لے کر جانا ممکن نہیں ہے کیونکہ اگر معیشت کی یہی صورتحال رہی تو فروری مارچ تک ملک ڈیفالٹ کر جائے گا۔

Advertisement

اسٹیبلشمنٹ ایک حقیقت ہے
اس وقت اسٹیبلشمنٹ سے کوئی رابطہ نہیں
عمران خان کا بڑا بیان سامنے آگیا #ImranKhan #PakArmy pic.twitter.com/9aZg6AYRdC

— BOL Network (@BOLNETWORK) December 24, 2022

انہوں نے مزید کہا کہ میرے خوف کے باعث نواز شریف اور زرداری انتخابات سے راہ فرار اختیار کررہے ہیں۔

اسٹیبلشمنٹ سے اس وقت کوئی رابطہ نہیں

چیئرمین پی ٹی آئی نے کہا کہ اسٹیبلشمنٹ سے اس وقت کوئی رابطہ نہیں ہے تاہم اسٹیبلشمنٹ ایک حقیقت ہے۔

خیال رہے کہ دو روز قبل ویڈیو لینک کے ذریعے خطاب کرتے ہوئے عمران خان نے کہا کہ آج جو حالات ہیں میں نے 70سال کی زندگی میں نہیں دیکھے۔

مزید پڑھیں؛ اسمبلیوں کو تحلیل کرنا ہمارا آئینی حق ہے، عمران خان

عمران خان نے کہا کہ پہلے کہتے تھے اسمبلیاں تحلیل کریں الیکشن کیلئے تیار ہیں، ہمیں اسمبلیاں تحلیل کرنے کیلئے بار بار چیلنج کیا جا رہا تھا اور جب اسمبلیاں تحلیل کرنے کا اعلان کیا تو دو دو تحریکیں آگئیں۔

ملک اندھیروں میں ڈوبا جا رہا ہے

ان کا کہنا تھا کہ بتایا جائے کیوں ہماری چلتی ہوئی حکومت کو گرایا گیا؟ ملک اندھیروں میں ڈوبا جا رہا ہے، میں ان پاکستانیوں سے بات کر رہا ہوں جن کا جینا مرنا پاکستان میں ہے، ملک جس تیزی سے تباہی کی طرف جا رہا ہے سب کے ہاتھ سے نکل جائے گا۔

یہ جنگ صرف میری نہیں بلکہ پورے ملک کی ہے

انہوں نے کہا کہ ہماری حکومت میں ملک کی گروتھ ریٹ بڑھ رہی تھی، ایک آدمی نے ہماری حکومت کو گرایا، یہ جنگ عمران خان کی نہیں ہم سب کی ہے، اگر جلدی الیکشن نہ کرائے گئے تو ملک ہاتھ سے نکل جائے گا، یہ لوٹ مار کر کے ملک سے بھاگ جاتے ہیں پھر ڈیل کر کے اور این آر او لے کر واپس آجاتے ہیں۔

یہ بھی پڑھیں: عمران خان ہمارے لیڈر ہیں، ان کی آواز پر لبیک کہیں گے، پرویز الٰہی

ملک میں دہشتگردی عروج پر ہے

خطاب میں ان کا یہ بھی کہنا تھا کہ ملک میں آج دہشتگردی بڑھتی جا رہی ہے، وزیر خارجہ بلاول بھٹو پونے 2 ارب روپے بیرون ملک دوروں پر خرچ کر چکے ہیں، وہ پوری دنیا گھوم لیے مگر افغانستان نہیں گئے، سب سے زیادہ ضرورت افغانستان سے تعلقات بہتر کرنے کی ہے۔