پاکستان تحریک انصاف کے سینئر رہنما مراد سعید نے کہا ہے کہ امپورٹڈ وزیر داخلہ پراپگینڈہ کر کے خوف و ہراس پھیلا رہا ہے۔

سماجی رابطے کی ویب سائٹ ٹوئٹر پر اپنے ایک پیغام میں پی ٹی آئی رہنما مراد سعید نے کہا کہ چھ ماہ سے خبردار کر رہا تھا کہ ہمیں اسی جنگ میں دوبارہ گھسیٹا جا رہا ہے لیکن پھر جواباً مجھ پر غداری کے فتوی لگائے گئے۔

مزید پڑھیں؛ ارشد شریف نے خود کہا تھا کہ انہیں دھمکیاں ملی اور خطرہ تھا، مراد سعید

مراد سعید نے کہا کہ مجھے آج کے روز تک دھمکیاں دی جا رہی ہیں۔

انہوں نے اپنے ٹوئٹ میں مزید کہا کہ امپورٹڈ وزیر داخلہ نے کراچی میں کھڑے ہو کر کہا میں پراپگینڈہ کر کے خوف ہراس پھیلا رہا ہوں، آج میرے لوگوں کے خون کا ذمہ دار کون ہے؟

چھ ماہ سے خبردارکررہاتھا کہ ہمیں اسی جنگ میں دوبارہ گھسیٹا جارہا ہے جواباً مجھ پر غداری کے فتوی لگائے گئے اور آج کے روز تک دھمکیاں دی جارہی ہیں۔ امپورٹڈ وزیر داخلہ نے کراچی میں کھڑے ہوکر کہا میں پراپگینڈہ کرکے خوف ہراس پھیلا رہا ہوں۔ آج میرے لوگوں کے خون کا ذمہ دار کون ہے؟

— Murad Saeed (@MuradSaeedPTI) December 19, 2022