مسلم لیگ (ن) کے رہنما عطاء اللہ تارڑ نے کہا ہے کہ جب تحریک عدم اعتماد جمع کروادی جائے تو اسمبلیاں تحلیل نہیں ہوسکتیں۔

تفصیلات کے مطابق مسلم لیگ (ن) کے رہنما عطاء اللہ تارڑ نے اپنے میڈیا سے گفتگو کرتے ہوئے کہا کہ میں بڑا شکر گزار ہوں کی میڈیا آیا ہے، میری ابھی گورنرہاؤس کچھ زرائع سے بات ہوئی کہ آج رات 8 بجکر 40 منٹ پر گورنر پنجاب نے وزیر اعلیٰ کو اعتماد کے ووٹ کا کہہ دیا ہے۔

انہوں نے کہا کہ 9 بجکر 51 منٹ وزیر اعلیٰ کے خلاف، 9 بجکر اسپکیر کے خلاف اور 9 بجکر 53 منٹ پر ڈپٹی اسپکیر کے خلاف تحریک عدم اعتماد جمع کروائی گئی ہے جبکہ جب تحریک عدم اعتماد جمع کروادی جائے تو اسمبلیاں تحلیل نہیں ہوسکتیں۔

یہ بھی پڑھیں؛ اسمبلیاں توڑنیں کے بجائے سیاسی و قانونی آپشن استعمال کیے جائیں، عطااللہ تارڑ

انہوں نےکہا کہ پچھلے کافی دنوں سے یہ معاملات چل رہے تھے کہ پنجاب اسمبلیوں کو اور تمام اسمبلیوں کو وقت پورا کرنا چاہیئے جبکہ جب ہم نے میثاق جمہوریت سائن کیا تو ہم نے یہ بھی فیصلہ کیا تھا کہ ہم اسمبلیوں کو وقت پورا کرنے دیں۔

مسلم لیگ (ن) کے رہنما عطاء اللہ تارڑ نے مزید کہا کہ وزیر اعلیٰ کو 21 دسمبر 2022 کو اعتماد کا ووٹ لینا ہوگا۔