صحافیوں سے ملاقات کے بعد عمران خان نے پی ٹی آئی کی میڈیا اسٹریٹجی کمیٹی کے اجلاس کی صدارت کی ہے۔

تفصیلات کے مطابق اجلاس میں عمران خان نے پی ڈی ایم قیادت کے عوام دشمن اقدامات پر بھر پور آواز بلند کرنے کی ہدایت کی اور پی ڈی ایم کی ناقص گورنس اور ناکام خارجہ پالیسی کو ہدف تنقید بنانے کی ہدایت بھی جاری کی گئی۔

اجلاس میں اعظم سواتی کے حق اور احتساب کے عمل کو ختم کرنے کے خلاف آواز بلند کرنے کا فیصلہ بھی کیا گیا۔

 اس موقع پر اسد عمر، فواد چوہدری اور دیگر رہنما بھی شریک ہوئے۔

یہ بھی پڑھیں؛ حقیقی آزادی اور شہریوں کے حقوق کے تحفظ سے پاکستان ترقی کی راہ پر گامزن ہوگا، عمران خان

واضح رہے کہ پاکستان تحریک انصاف و سابق وزیراعظم عمران خان نے سینئر صحافیوں سے گفتگو کرتے ہوئے کہا کہ اسٹیبلشمنٹ سے کوئی رابطہ نہیں، لگتا ہے کہ اپریل میں اسٹیبلشمنٹ الیکشن میں جارہی ہے۔

سابق وزیراعظم نے کہا کہ ہم نے فوری اسمبلیاں اس لئے نہیں تحلیل کیں کہ اتحادیوں کو بھی منانا تھا۔

عمران خان نے یہ بھی کہا تھا کہ اسمبلیاں تحلیل ہونے کے بعد الیکشن تاخیر کا شکار ہوتے ہیں تو ہمیں پھر بھی فرق نہیں پڑتا، جب دو اسمبلیاں ٹوٹیں گی تو انتخاب تو کروانا پڑے گا۔

یہ بھی پڑھیں؛ جب دو اسمبلیاں ٹوٹیں گی تو انتخاب تو کروانا پڑے گا، عمران خان

پاکستان تحریک انصاف و سابق وزیراعظم عمران خان نے مزید کہا کہ ہمیں کوئی شک نہیں کہ پرویز الہٰی اسمبلیاں نہیں توڑے گا، گیارہ جنوری سے پہلے اعتماد کا ووٹ لے لیں گے۔