سابق وزیراعظم اور پاکستان تحریک انصاف کے چیئرمین عمران خان نے اپنے تمام ایم پی ایز کو لاہور میں موجود رہنے کی ہدایت کردی ہے۔

تفصیلات کے مطابق پنجاب اسمبلی میں وزیراعلیٰ کے خلاف عدم اعتماد کے معاملے پر چیئرمین پی ٹی آئی عمران خان نے قانونی ٹیم کا اہم اجلاس طلب کرلیا  ہے۔

وزیر اعلی، اسپیکر اور ڈپٹی اسپیکر پنجاب کیخلاف تحریک عدم اعتماد کا معاملہ

Advertisement

عمران خان نے اہم ہدایت جاری کردی
براہ راست دیکھیں : https://www.bolnews.com/urdu/pakistan/2022/12/787684/amp/#ImranKhan pic.twitter.com/wBwRgfTODE

— BOL Network (@BOLNETWORK) December 20, 2022

اجلاس کے دوران عدم اعتماد پر قانونی پہلووں کا جائزہ لیا جائے گا  اور عدم اعتماد کے معاملے کو عدالت میں لے جاسکتا ہے یا نہیں اہم قانونی مشاورت ہوگی ۔

یہ بھی پڑھیں؛ تحریک انصاف اور مسلم لیگ (ق) اگلے انتخابات میں بھی مل کر چلیں گے، عمران خان

دوسری جانب عمران خان نے تحریک انصاف کی اہم قیادت کا اجلاس بھی طلب کرلیا ہے جس میں عدم اعتماد کے معاملے پر سینیر قیادت سے مشاورت کی جائیگی ۔

اسکے علاوہ عمران خان نے تمام ایم پی ایز کو لاہور میں رہنے کی ہدایات بھی جاری کردی ہیں۔

پی ڈی ایم نے وزیراعلیٰ پنجاب کے خلاف تحریک عدم اعتماد جمع کرا دی

پاکستان ڈیموکریٹک موومنٹ (پی ڈی ایم) نے وزیراعلیٰ پنجاب پرویز الہٰی کے خلاف تحریک عدم اعتماد جمع کرا دی۔

تفصیلات کے مطابق آصف زرداری کی ہدایت کے بعد پیپلزپارٹی اور مسلم لیگ ن کے رہنماء وزیراعلیٰ پنجاب اسمبلی چوہدری پرویزالہٰی کیخلاف تحریک عدم اعتماد جمع کرانے پہنچے۔

چوہدری پرویز الہٰی کیخلاف تحریک عدم اعتماد سیکریٹری پنجاب اسمبلی عنایت اللہ نے وصول کی، جس پر مسلم لیگ ن اور پیپلزپارٹی کے اراکین کی جانب سے دستخط کئے گئے۔

یہ بھی پڑھیں: جمعے کو دما دم مست قلندرہوگا، عمران خان

تحریک عدم اعتماد کے متن میں کہا گیا ہے کہ وزیراعلیٰ پنجاب چوہدری پرویز الہٰی ایوان کا اعتماد کھوچکے ہیں، وہ پنجاب اسمبلی سے دوبارہ اعتماد کا ووٹ لیں۔