وزیر اعظم شہباز شریف نے سابق صدر آصف علی زرداری سے ملاقات کی جس میں اسمبلیاں تحلیل ہونے پر مشاورت ہوئی۔

تفصیلات کے مطابق آصف علی زرداری نے وزیر اعظم شہباز شریف کی رہائشگاہ پر ان سے ملاقات کی جس میں دونوں رہنماؤں نے پنجاب کی سیاسی صورتحال پر تبادلہ خیال کیا۔

اس موقع پر شہباز شریف نے آصف زرداری کو شجاعت حسین سے ملاقات کا احوال بتایا۔

ملاقات میں آصف زرداری اور شہباز شریف نے چوہدری شجاعت حسین سے رابطے بڑھانے پر اتفاق کیا اور پنجاب اسمبلی تحلیل ہونے سے روکنے کا ٹاسک چوہدری شجاعت حسین کو دینے پر اتفاق کیا۔

اس دوران یہ بھی فیصلہ ہوا کہ جب تک چوہدری شجاعت حسین گرین سگنل نہ دے دیں تب تک پرویز الٰہی سے براہ راست رابطہ نہیں کرنا ہے۔

مزید پڑھیں؛ وزیر اعظم شہباز شریف کی چوہدری شجاعت حسین سے ملاقات