نگران وزیر اعلیٰ پنجاب کی تقرری کے معاملے پر پاکستان تحریک انصاف نے دو نام فائنل کر لیے ہیں۔

تفصیلات کے مطابق پی ٹی آئی نے پہلے دیے گئے ایک نام کو فہرست میں سے نکال دیا۔

پارٹی ذرائع کے مطابق پہلے دیے گئے ناموں میں سے نصیر خان کو ڈراپ کر دیا گیا ہے، اب پی ٹی آئی پارلیمانی کمیٹی میں دو نام دے گی۔

ذرائع کا کہنا ہے کہ سابق چیف سیکرٹری نوید اکرم چیمہ اور احمد نواز سکھیرا کے نام اب بھی لسٹ میں شامل ہیں۔

پی ٹی آئی اور مسلم لیگ ن کی پارلیمانی کمیٹی کی ملاقات آج ممکن ہے۔

واضح رہے کہ اسپیکر نے پارلیمانی کمیٹی کا اجلاس جمعہ کی دوپہر 2 بجے طلب کر رکھا ہے۔

ضرور پڑھیں؛ اپوزیشن نے نگران وزیراعلیٰ کے نام پر بھی سیاست چمکانے کی کوشش کی، پرویزالٰہی