عمران خان کے وکیل بیرسٹر علی ظفر نے کہا ہے کہ سیاسی بنیادوں پر گرفتار کرنا غیر آئینی اور غیر قانونی ہے۔

لاہور ہائیکورٹ میں میڈیا سے گفتگو کرتے ہوئے بیرسٹر علی ظفر نے کہا کہ آزادی اظہار رائے کا حق ہوتا ہے، یہ معلوم نہیں کیوں گرفتار کیا سنا ہے کہ ان نے کچھ بیان دیا تھا۔

انہوں نے کہا کہ اگر کوئی بیان دیتا ہے تو اس کو سنیں اور برداشت کریں، نگران حکومت آگئی ہے اس کو آزاد اور خودمختار ہونا چاہیے۔

 بیرسٹر علی ظفر نے کہا کہ مجھے نہیں معلوم فواد چوہدری نے کیا کہا ہے، یہ آئین کے خلاف ہے کہ سیاسی بنیادوں پر آپ لیڈر شپ کو گرفتار اور ہراساں کرنا شروع کر دیں۔

انکا کہنا ہے کہ آزادی اظہار رائے میں آپ ایک لمٹ میں کچھ کہ سکتے ہیں اس سے ذیادہ بولنے پر قانونی کارروائی کی جاسکتی ہے، اگر سیاسی بنیادوں پر آپ کو گرفتار کیا جائے تو یہ غیر آئینی اور غیر قانونی ہے۔

الیکشن کمشن ایک ہی جماعت کیخلاف کارروائی کر رہا ہے

علی ظفر نے کہا کہ الیکشن کمشن نے 8 ایسے آرڈرز بتا سکتا ہوں جو پی ٹی آئی کے خلاف دیے ہیں جو ہائی کورٹس میں ہیں، ان آرڈرز سے یہ تاثر ملتا ہے کہ الیکشن کمشن ایک ہی جماعت کے خلاف کارروائی کر رہا ہے۔

یہ بھی پڑھیں: فواد چوہدری کا راہدری ریمانڈ منظور

عمران خان کے وکیل نے مزید کہا کہ فارن فنڈنگ کیس سے بھی تاثر ملتا ہے کہ الیکشن کمشن نے پی ٹی آئی کے اکاؤنٹس کو دیکھا ہے دیگر جماعتوں کے نہیں۔

عمران خان کو گرفتار کرنے کی کوشش، سیکیورٹی میں بھی کمی کردی گئی

خیال رہے کہ چیئرمین پی ٹی آئی عمران خان کو گرفتار کرنے کی کوشش کی گئی ہے ساتھ ہی ساتھ سیکیورٹی میں بھی کمی کردی گئی۔

  پاکستان تحریک انصاف کے رہنماؤں کی جانب سے عمران خان کی گرفتاری خدشہ ظاہر کیا گیا تھا جبکہ  تمام کارکنان کو بھی فوری طور پر زمان پارک پہنچنے کی ہدایات جاری کردی گئی تھیں۔

اوورسیز پاکستانی

اوورسیز پاکستانیوں کی جانب سے بھی عمران خان کی گرفتاری کے خدشات پر شدید ردعمل دیا گیا ہے۔

دوسری جانب لاہور پولیس کی جانب سے عمران خان کی سیکیورٹی پر تعینات پولیس اہلکار بھی کم کر دیے گئے ہیں۔

عمران خان کو ایک طرف گرفتار کرنے کی تیاریاں کی جا رہی ہے اور دوسری جانب ان کی سیکیورٹی بھی محدود کر دی گئی ہے جبکہ لاہور میں فواد چوہدری کی گرفتاری کے بعد پی ٹی آئی رہنماؤں کی مزید گرفتاریوں کا امکان ہے۔

یہ بھی پڑھیں: فواد چوہدری کی گرفتاری، پی ٹی آئی رہنماؤں کا سخت ردعمل