پاکستان تحریک انصاف (پی ٹی آئی) کے چیئرمین عمران خان نے کہا ہے کہ کرپٹ اور نااہل امپورٹڈ حکومت کی بدانتظامی نے معیشت تباہ کردی۔

سماجی رابطے کی ویب سائٹ ٹوئٹر پر اپنے جاری کردہ بیان میں سابق وزیر اعظم عمران خان نے کہا ہے کہ پیٹرول اور ڈیزل کی قیمتوں میں اضافے نے عوام اور تنخواہ دار طبقہ کو کچل دیا۔

Total mismanagement of our economy by a corrupt & incompetent imported govt has crushed masses & salaried class with latest hike in petrol & diesel prices & Rs33/$ devaluation to Rs262.6/$. Elec & gas price hike & 35% unprecedented inflation expected with Rs200bn mini budget.

— Imran Khan (@ImranKhanPTI) January 29, 2023

چیئرمین پی ٹی آئی کا کہنا ہے کہ 200 ارب کے منی بجٹ سے مہنگائی کی شرح میں 35 فیصد بےمثال اضافہ ہوگا۔

عمران خان نے مزید کہا کہ ملک میں بجلی اور گیس کی قیمتوں میں اضفہ بھی متوقع ہے۔

دوسری جانب پاکستان تحریک انصاف (پی ٹی آئی) نے پیٹرولیم مصنوعات کی قیمتوں میں اضافے کو عوام کے خلاف سازش قرار دے دیا۔

پیٹرولیم مصنوعات کی قیمتوں میں اضافے کا اعلان

واضح رہے کہ وفاقی حکومت کی جانب سے پیٹرولیم مصنوعات کی قیمتوں میں اضافے کا اعلان کر دیا گیا ہے۔

وفاقی وزیر خزانہ اسحاق ڈار نے اسلام آباد میں پریس کانفرنس کرتے ہوئے بتایا ہے کہ پیٹرول اور ڈیزل کی قیمت میں فی لیٹر 35، 35 روپے اضافہ کیا گیا ہے۔

یہ بھی پڑھیں: پیٹرولیم مصنوعات کی قیمتوں سے متعلق اوگرا کا اہم اعلان

اسحاق ڈار کا کہنا ہے کہ لائٹ ڈیزل اور مٹی کے تیل کی قیمت میں 18، 18 روپے اضافہ کیا گیا جس کے بعد مٹی کے تیل کی نئی قیمت 189 روپے 83 پیسے فی لیٹر مقرر کر دی گئی ہے۔

انہوں نے بتایا کہ ہائی اسپیڈ ڈیزل کی نئی قیمت 262 روپے 80 پیسے فی لیٹر اور لائٹ ڈیزل کی نئی قیمت 187 روپے فی لیٹر مقرر کی گئی ہے۔

وفاقی وزیر خزانہ نے مزید کہا کہ نئی قیمتوں کا اطلاق فوری طور پر ہوگا۔

یہ بھی پڑھیں: ملک بھر میں پیٹرولیم مصنوعات کی شدید قلت، متعدد پیٹرول پمپس بند