پاکستان ریلوے نئی ٹرینیں چلانے کے بجائے پہلے سے چلنے والی کامیاب ٹرینیں بند کرنے لگا۔

ذرائع کے مطابق  پاکستان ریلوے  نے لاہور سے براستہ میانوالی ماڑی انڈس جانے والی واحد میانوالی ایکسپریس کو بند کرنے کا فیصلہ کرلیا۔

مزید  پڑھیں: ریلوے ملازمین تنخواہوں کی عدم ادائیگی پر سراپاِ احتجاج ، ہڑتال کی کال دے دی

ذرائع کا کہنا ہے کہ  ریلوے انتظامیہ نے میانوالی ایکسپریس کی بندش کی سمری تیار کرلی ہے۔

سابق وزیراعظم عمران خان نے شیخ رشید کے دور میں اپنے شہر میانوالی سے میانوالی ایکسپریس کا افتتاح کیا تھا۔  میانوالی ایکسپریس اپنے روٹ کی واحد اور کامیاب ٹرین ہے۔

مزید پڑھیں: پاکستان ریلوے؛ بڑے ریلوے اسٹیشنوں پر سٹاپ پانچ منٹ تک کرنے کا فیصلہ

میانوالی ایکسپریس بند ہونے سے روزانہ کی بنیاد پر سفر کرنے والوں کے لیے مشکلات میں اضافے کا خدشہ ہے۔

25 نومبر 2021 کو وزیر ریلوے اعظم سواتی نے افتتاح کیا تھا ۔میانوالی اسٹیشن شیخ رشید نے مرمت کروایا تھا۔