وزیر خزانہ اسحاق ڈار نے کہا ہے کہ حکومت سودی نظام کے خاتمے کے لیے پر عزم ہے۔

تفصیلات کے مطابق اسحاق ڈار کی زیر صدارت وفاقی شرعی عدالت کے ربا سے متعلق فیصلے پر عملدرآمد سے متعلق پہلی اسٹیئرنگ کمیٹی کا اجلاس ہوا جس میں وزیر خزانہ نے گورنر اسٹیٹ بینک کی اسلامی فنانسنگ اور سود سے پاک نظام کے نفاذ کے لیے روڈ میپ بنانے میں مخلصانہ کوششوں کو سراہا۔

اسحاق ڈار نے اس موقع پر کہا کہ گورنر اسٹیٹ بینک کی معاونت سود سے پاک نظام کے نفاذ میں مددگار ثابت ہو گی، حکومت سودی نظام کے خاتمے کے لیے پر عزم ہے، اجلاس کے فیصلے ملک میں اسلامی مالیاتی نظام کے فروغ کے لیے سود مند ثابت ہوں گے۔

وزیر خزانہ نے اس دوران متعلقہ زمہ داران کو سودی نطام کے خاتمے میں حائل رکاوٹوں کے دور کرنے کی ہدایت کرتے ہوئے کمیٹیوں میں اسلامی قوانین کے پیشہ ور ماہرین کو شامل کرنے پر زور دیا۔

اجلاس میں اضافی اسلامی سکوک بانڈز کے اجراء کے لیے علمائے کرام اور اسلامی دانشوروں کی رہنمائی بھی طلب کی گئی