چیئرمین پی ٹی آئی عمران خان پر قاتلانہ حملے کے کیس میں غلام محمود ڈوگر کی جے آئی ٹی نے چالان اے ٹی سی گوجرانوالہ میں جمع کرادیا ہے۔

اس حوالے سے ذرائع کا کہنا ہے کہ غلام محمود ڈوگر کی جے آئی ٹی  کی جانب سے عمران خان قاتلانہ حملہ کیس میں اے ٹی سی عدالت میں چلان جمع کرادیا گیا ہے جس میں ملزم نوید کو قتل اور اقدام قتل کا ملزم ٹہرا گیا  ہے۔

ذرائع نے بتایا ہے کہ اے ٹی سی گوجرنوالہ میں تعینات جبار ڈوگر کو جے آئی ٹی میں شامل انور شاہ نے چلان جمع کرایا ہے جو کہ پراسیکیوٹر جنرل خلیق الزمان کے دباؤ پر جمع کرایا گیا ہے۔

یہ بھی پڑھیں: عمران خان پر قاتلانہ حملہ، وفاق کا پنجاب حکومت کی بنائی جے آئی ٹی پر عدم اعتماد

خیال رہے کہ کیس کے لئے مقرر 3 پراسیکیوٹرز نے چالان کی مخالفت کی تھی، ان پراسیکوٹرز میں رانا سلطان، طارق اور حافظ اصغر شامل تھے  اور ان تینوں کو تفتیش میں قانونی معاملات دیکھنے کے لئے لگایا گیا تھا۔

چالان کی تفصیلات:

جمع کرائے جانے والے چالان کے مطابق نوید کی فائرنگ سے عمران خان اور ان کے ساتھی زخمی اور ایک ہلاک ہوا اور ملزم کی فائرنگ سے دہشت پھیلی اور لوگو ں میں خوف وہر اس پیدا جبکہ فائرنگ سے معظم نامی شہری بھی ہلاک ہو گیا ۔

جے آئی ٹی  کی جانب سے عمران خان قاتلانہ حملہ کیس میں اے ٹی سی عدالت میں چلان جمع کرادیا گیا ہے جس میں ملزم نوید کو قتل اور اقدام قتل کا ملزم ٹھہرا گیا  ہے۔

خیال رہے کہ عمران خان حملہ کیس میں پنجاب کی بنائی گئی جے آئی ٹی پر عدم اعتماد کر دیا گیا  ہے جس کے بعد وفاقی وزارت اعلیٰ نے نئی جے آئی ٹی تشکیل دے دی ہے۔

ذرائع نے بتایا ہے کہ نئی جے آئی ٹی کے سربراہ راؤ سردار علی خان ہیں جبکہ جے آئی ٹی میں آئی ایس آئی ، آئی بی اور ایم آئی کے افسران بھی شامل ہونگے۔

اس سے قبل جے آئی ٹی کے سربراہ غلام محمود ڈوگر تھے جس پر وفاق نے اعتراض لگایا تھا کہ جے آئی ٹی میں سارے ممبران پنجاب سے ہیں۔

اس حوالے سے وفاق نے مؤقف پیش کیا ہے کہ آئی ایس آئی ، ایم آئی اور آئی بی کا کوئی افسر شامل نہیں ہیں جبکہ غلام محمود ڈوگر کو وفاقی حکومت نے معطل کر دیا تھا۔