امیر جماعت اسلامی کراچی حافظ نعیم الرحمان نے کہا ہے کہ کل خود جاکر اسلام آباد میں کراچی کا مقدمہ لڑونگا، جو بھی شریک جرم ہوگا بھرپور طریقے سے بے نقاب کرینگے اگر گرفتار کرتے ہے تو کرلیں خاموش تماشائی نہیں بنینگے۔

تفصیلات کے مطابق امیر جماعت اسلامی کراچی حافظ نعیم الرحمان نے پریس کانفرنس کرتے ہوئے کہا ہے کہ 6 یونین کمیٹی کے نتائج الیکشن کمیشن نے ہمارے درخواست پر روک دئے تھے اور اب 22 فروری کو الیکشن کمیشن میں یوسیز کے حوالے سے سماعت ہے۔

انہوں نے کہا کہ اس وقت ملک میں مہنگائی اور بے روزگاری ہے، ایک طرف اشرافیہ کو مفت پیٹرول دوسری جانب عام آدمی کو ایک ایک لیٹر کےلئے مشکلات کا سامنا ہے جبکہ عدالتی کارروائیوں پر بھی سوالیہ نشان ہے۔

یہ بھی پڑھیں: مینڈیٹ کے تحفظ کے بغیر بات چیت ممکن نہیں، حافظ نعیم الرحمان

انہوں نے مزید کہا کہ الیکشن کمیشن کا کام ہے کہ سیاسی جماعتوں میں دیکھے کہ وہاں جمہوریت ہے کہ نہیں۔

امیر جماعت اسلامی کراچی نے کہا کہ بلدیاتی الیکشن کےلئے کوئی بھی تیار نہیں ہوتا ہے جبکہ آئین میں بھی بلدیات کے حوالے سے چند آرٹیکل ہی موجود ہے۔

ان کا کہنا تھا کہ ایم کیو ایم نے وزارتوں کے لئے کراچی کا سودا کیا اور الیکشن کمیشن ان سب کا آلہ کار بنا رہا کہ کسی طرح سے الیکشن نہ ہو۔

انہوں نے کہا کہ ان تمام تر حربوں کے باوجود بھی جماعت اسلامی سب سے آگے رہی لیکن کراچی کے ساتھ ہمیشہ کی طرح بلدیاتی الیکشن میں بھی مذاق کیا گیا، ایک مہینہ گزر جانے کے باوجود بھی تسلی بخش سماعت نہیں ہورہی۔

انہوں نے کہا کہ الیکشن کمیشن پپپلز پارٹی کے ساتھ شریک جرم ہے اور نتائج کو مزید روکنے کے لئے مختلف حربے استعال کئے جارہے ہیں لیکن جو بھی شریک جرم ہوگا بھرپور طریقے سے بے نقاب کرینگے ۔

انہوں نے مزید کہا کہ کل خود جاکر اسلام آباد میں کراچی کا مقدمہ لڑونگا ، اگر گرفتار کرتے ہے تو کرلیں خاموش تماشائی نہیں بنینگے۔

یہ بھی پڑھیں: ملک کے تاجر پریشان ہیں اور حکومت اپنی مرضی کے فیصلے کررہی ہے، حافظ نعیم