پاکستان تحریک انصاف کے چیئرمین عمران خان نے کہا ہے کہ میری جنگ ملک میں آئین کی بالادستی کیلئے ہے۔

تفصیلات کے مطابق پاکستان تحریک انصاف کے چیئرمین عمران خان سے وکلاء رہنماؤں کی ملاقات ہوئی ہے۔

ملاقات میں عمران خان نے کہا کہ موجودہ حکومت عام انتخابات کے انعقاد میں سنجیدہ نہیں ہے، پنجاب اور خیبرپختونخوا میں عام انتخابات کے لیے وکلاء برادری کو اپنا کردار ادا کرنا ہوگا۔

پاکستان تحریک انصاف کے چیئرمین عمران خان نے مزید کہا کہ میری جنگ ملک میں آئین کی بالادستی کیلئے ہے عام انتخابات کو التواء میں ڈالا گیا تو جیل بھرو تحریک شروع کریں گے، وکلاء میرے ہمراہ اس تحریک کا ہراول دستہ بنیں۔

یہ بھی پڑھیں؛ عمران خان کا جیل بھر و تحریک میں سب سے پہلے گرفتاری دینےکا اعلان

 ملاقات میں ساہیوال ڈویزن سے تعلق رکھنے والے وکلاء کے نمائندے، انصاف لائیر فورم عارف والا کے صدر مراد بھٹی، سیکرٹری جنرل اعجاز بھٹی، صدر انصاف لائیت فورم پاکپتن احمد وٹو اور جنرل سیکرٹری اوکاڑہ جنید کھچی سمیت دیگر وکلاء نمائندے بھی شریک تھے۔