پی ایس ایل سیکیورٹی اخراجات: چیئرمین پی سی بی کا وزیراعظم سے رابطہ
لاہور میں پاکستان سپر لیگ (پی ایس ایل) کے میچز کے تنازعے کے معاملے پر چیئرمین پاکستان کرکٹ بورڈ (پی سی بی) منیجمنٹ کمیٹی نجم سیٹھی نے وزیر اعظم شہباز شریف سے رابطہ کیا۔
ذرائع کے مطابق رابطے کے دوران چیئرمین پی سی بی نجم سیٹھی نے وزیر اعظم شہباز شریف کو سیکیورٹی اخراجات کے معاملے پر تفصیلی آگاہ کردیا۔
چیئرمین پی سی بی نجم سیٹھی کا وزیراعظم شہباز شریف سے رابطہ#BOLNews #PCB pic.twitter.com/s9UnIcAvK9
— BOL Network (@BOLNETWORK) February 26, 2023
ذرائع کا کہنا ہے کہ رابطے میں وزیراعظم کی جانب سے نجم سیٹھی کو مکمل تعاون اور مدد کی یقین دہانی کرائی گئی۔
ذرائع نے بتایا کہ چیئرمین نجم سیٹھی سیکیورٹی کی مد میں پیسے نہ دینے پر بدستور قائم ہیں۔
نجم سیٹھی نے اپنے موقف میں کہا کہ پی ایس ایل قومی ایونٹ ہے اور اس کا انعقاد قومی اداروں کی ذمہ داری ہے، اخراجات نہ اٹھائے گئے اور پیسوں کے مطالبے سے دستبردار نہ ہوا تو میچز کراچی کرانے پر مجبور ہوں گئے۔
یہ بھی پڑھیں: پی ایس ایل اخراجات کا تنازعہ؛ منگل کو سپرلیگ کراچی منتقل کردی جائے گی، پی سی بی
واضح رہے کہ پی ایس ایل اخراجات کے تنازعہ پر پی سی بی اور پنجاب حکومت میں ڈیڈ لاک برقرار ہے۔
ذرائع کے مطابق پی سی بی نے پنجاب حکومت کو بقیہ 25 کروڑ نہ دینے کا پیغام پہنچا دیا جبکہ پی سی بی کا کہنا تھا کہ لاہور میں پہلے دو میچز کے بعد منگل کو سپرلیگ کراچی منتقل کردی جائے گی۔
پی سی بی کا پنجاب حکومت کو پیغام میں کہنا تھا کہ اگر 27 فروری تک تعاون نہ کیا گیا تو میچز شفٹ ہوجائیں گے۔
مزید پڑھیں: نجم سیٹھی نے پی ایس ایل میچز لاہور سے منتقل کرنے کی دھمکی دیدی
پی سی بی ذرائع نے کہا کہ پی ایس ایل اخراجات کے لئے پنجاب حکومت کے جاری کردہ 25 کروڑ ناکافی ہیں، پنجاب حکومت پہلے دو میچز کے بعد لیگ منتقل کرنے پر مجبور کررہی ہے۔
انہوں نے کہا کہ پرویز الہیٰ کے دور میں چیف سیکرٹری عبداللہ سنبل نے تمام سیکیورٹی بلز کی منظوری دی تھی جب کہ میڈیا سے پتا چلا ہے کہ ابھی تک تحریری طور پر 25 کروڑ دینے کا بھی خط نہیں ملا۔
پی سی بی ذرائع کا مزید کہنا تھا کہ موجودہ نگراں حکومت پریشان کررہی ہے، غیرملکی کھلاڑی بھی دیکھ رہے ہوں گے اور اگر سیکیورٹی کی بنیاد پر کسی کھلاڑی نے دستبرداری کا فیصلہ کیا تو بورڈ زمہ دار نہیں ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News