نگراں وزیراعلیٰ پنجاب کا صوبے بھر میں مفت آٹا تقسیم کرنے کا اعلان کیا گیا ہے۔

تفصیلات کے مطابق لاہور میں وزیراعلیٰ پنجاب سید محسن رضا نقوی  نے پریس کانفرنس کرتے ہوئےکہا کہ پنجاب بھر کے ہزاروں تقسیم مراکز پر آٹے کی مفت فراہمی جاری ہے۔

انہوں نے کہا کہ آٹے کی سبسڈی شروع ہو گئی ہے، یہ سبسڈی 10 کروڑ لوگوں کو ملے گی جس دوران 4 کروڑ 75 لاکھ آٹے کے بیگ تقسیم ہوں گے۔

انہوں نے مزید کہا کہ کمشنرذ اور ڈپٹی کمشنرز آٹے کی تقسیم کیلئے زیادہ سے زیادہ سینٹرز بنانے کی کوشش کر رہے ہیں اور آٹے کی تقسیم کا کام پورا مہینہ چلے گی۔

یہ بھی پڑھیں: سرکاری آٹا خورد برد کرنے پر پنجاب حکومت کا بڑا اقدام

نگراں وزیراعلیٰ پنجاب کا کہنا تھا کہ عوام سے اپیل ہے صبر اور ترتیب سے آٹا وصول کریں، امید ہے اگلے2 روز میں رش ختم ہوجائے گا۔

دوسری جانب صوبے میں امن و امان کی صورتحال کے متعلق بات کرتے ہوئے کہا کہ ائی۔ جی کو ہدایت دی  ہے کہ اب پولیس کی رٹ قائم کرنا ہے اور اب اگر کسی نے پولیس پر ہاتھ اٹھایا تو جواب آئے گا۔

انہوں نے کہا کہ میں اپنی پولیس فورس کے ساتھ کھڑا ہوں، عمران خان نے گزشتہ روز بھی پولیس کو دھمکی دی ہے اور زمان پارک میں دہشتگردوں کی موجودگی کی اطلاعات ہیں اور تصاویر بھی ہیں۔

انہوں نے مزید کہا کہ اس ساری صورتحال کے بعد یہ کہا جائے کہ پولیس کام کرے تو یہ ممکن نہیں ہے اور رات اس حوالے سے میٹنگ ہوئی  جس میں میں نے انہیں کہا کہ اب پولیس پر حملہ ہوا تو جواب بھرپور ہوگا۔

محسن نقوی کا کہنا تھا کہ گزشتہ پانچ دنوں میں زمان پارک میں جو دہشتگردی کی واردات ہوئی ہے اس پر جے۔ آئی۔ ٹی بنا رہے ہیںجس کا نوٹیفکیشن آج جاری کردیا جائیگا اور الیکشن کمیشن کو بھی اس بارے میں ایک خط لکھ رہے ہیں ۔