سابق وفاقی وزیر شیخ رشید نے کہا ہے کہ عمران خان کی نااہلی یا گرفتاری جلتی پر پیٹرول کا کام کرے گی۔

سماجی رابطے کی ویب سائٹ پر عوامی مسلم لیگ کے سربراہ نے اپنے ایک پیغام میں کہا ہے کہ پی ڈی ایم میں پھوٹ پڑ چکی ہے اور  2 بڑوں کی میٹنگ الیکشن کرائے گی۔

پی ڈی ایم میں پھوٹ پڑ چکی ہے 2بڑوں کی میٹنگ الیکشن کراے گی الیکشن کمیشن نےعام انتخابات کی تیاریاں شروع کردی ہیں جوبھی عدالت کےفیصلےکی تضحیک کرےگااُسےعدالت کےکہٹرےمیں کھڑاہوناپڑےگاIMFکےسٹاف لیول فیصلےسےپہلےغریب پرمہنگائی کی مزیدبجلی گرےگی غریب ذبح خانےمیں حکمران مہخانےمیں بیٹھےہیں

Advertisement

— Sheikh Rashid Ahmed (@ShkhRasheed) March 3, 2023

انہوں نے کہا ہے کہ الیکشن کمیشن نےعام انتخابات کی تیاریاں شروع کردی ہیں اور اب جو بھی عدالت کے فیصلے کی تضحیک کرے گا اُسے عدالت کے کہٹرے میں کھڑا ہونا پڑے گا۔

انہوں نے مزید کہا کہ آج غریب ذبح خانے میں حکمران مہخانے میں بیٹھے ہیں اور آئی ایم ایف کے اسٹاف لیول فیصلے سے پہلے غریب پر مہنگائی کی مزید بجلی گرے گی جبکہ پیٹرول اور بجلی کی قیمتیں بھی بڑھنے جارہی ہیں۔

شیخ رشید کا کہنا تھا کہ اس وقت ملک میں نہ ڈالر دستیاب ہے اور نہ ہی فنڈنگ موجود ہے جس کے بعد ڈالر، شرح سود، پیٹرول، مہنگائی سب ریکارڈ ٹوٹ گئے ہیں۔

ان کا کہنا تھا کہ موجودہ صورتحال میں سابق وزیراعظم عمران خان کی نااہلی یا گرفتاری جلتی پر پیٹرول کا کام کرے گی۔