پاکستان تحریک انصاف (پی ٹی آئی) کے سینیئر رہنما فواد چوہدری نے کہا ہے کہ شعیب شیخ کی گرفتاری بول نیوز کی آواز دبانے کی کوشش ہے۔

سابق وفاقی وزیر فواد چوہدری نے بول نیوز سے گفتگو کرتے ہوئے کہا کہ شعیب شیخ مقدمے میں پہلے ہی بری ہوچکے ہیں، ان کو دوبارہ گرفتار کرنا سمجھ سے باہر ہے۔

پی ٹی آئی بول نیوز اور شعیب شیخ کیساتھ کھڑی ہے

انہوں نے کہا کہ شعیب شیخ کی گرفتاری بول نیوزکی آوازدبانےکی کوشش ہے، پی ٹی آئی بول نیوز اور شعیب شیخ کے ساتھ کھڑی ہے۔

فواد چوہدری نے مزید کہا کہ پورا پاکستان شعیب شیخ اور بول نیوز کے ساتھ ہے، فسطائی حکومت کو شکست ہوگی۔

ہم عدلیہ بچاؤ تحریک چلا رہے ہیں

اس سے قبل فواد چوہدری نے میڈیا سے گفتگو کرتے ہوئے کہا تھا کہ شعیب شیخ کی گرفتاری کی مذمت کرتے ہیں۔

انہوں نے کہا کہ ہمارے کارکن شہید کیا گیا، بلال شاہ کی موت کے ذمہ دار وزیر پنجاب اور سی سی پی او لاہور ہیں، بلال کا خون رائیگاں نہیں جائے گا۔

یہ بھی پڑھیں: عمران خان کی تقریر کی آزادی عوام کے حقوق کی آزادی ہے، فواد چوہدری

سابق وفاقی وزیر نے کہا کہ رفیق تارڑ ایند کمپنی نے عدلیہ کو تقسیم کیا، ہم عدلیہ بچاؤ تحریک چلا رہے ہیں۔

پنجاب میں 54 دن کے اندر منتخب حکومت آئے گی

فواد چوہدری نے کہا کہ چیف الیکشن کے شکریہ ادا کرتے ہیں کہ انہوں نے آئین پر عمل کیا، پنجاب میں الیکشن کے لیے 22 افسراں کو ہٹانے کا مطالبہ کرتے ہیں۔

انہوں نے مزید کہا کہ عمران خان کو منفی کرنا پاکستان کو بحران میں دھکیلنا ہے۔ پنجاب میں 54 دن کے اندر منتخب حکومت آئے گی۔

مزید پڑھیں: شعیب احمد شیخ کو ایئر پورٹ سے گرفتار نہیں اغوا کیا گیا، لطیف کھوسہ