لاہور: کوئٹہ جوڈیشل مجسٹریٹ کی عدالت سے سابق وزیراعظم عمران خان کے وارنٹ گرفتاری لے کر ایس پی سٹی ندیم اپنی ٹیم کے ہمراہ لاہور پہنچ گئے۔

تفصیلات کے مطابق کوئٹہ کے ایس پی سٹی ندیم احمد کی ٹیم میں ایک ڈی ایس پی عبدالستار اچکزئی، ایک سب انسپکٹر ملک حمید، 2 تربیت یافتہ کمانڈو قیصر اور سلطان شامل ہیں جبکہ ڈرائیور الیاس بھی ہمراہ ہے۔

کوئٹہ پولیس عمران خان کو گرفتار کرنے لاہور پہنچ گئی،آئی جی پنجاب کو اطلاع کر دی گئی
گرفتاری کے لیے اینٹی رائٹ فورس سمیت 1300 اہلکار جائیں گے
براہ راست دیکھیں: https://www.bolnews.com/urdu/pakistan/2023/03/415327/amp/#شعیب_شیخ_کو_رہا_کرو pic.twitter.com/8xs1lGg5Rp

— BOL Network (@BOLNETWORK) March 10, 2023

پولیس ذرائع نے بتایا کہ پی ٹی آئی کے چیئرمین عمران خان کی گرفتاری کے لئے آنٹی رائٹ فورس سمیت 1000 سے زائد پولیس اہلکار طلب کیے جانے کا امکان ہے۔

پولیس ذرائع کا کہنا ہے کہ عمران خان کی گرفتاری کے لئے کے سی سی پی او لاہور بلال صدیق کمیانہ کو اطلاع کر دی گئی تاہم عمران خان کو گرفتار کر کے مچھ جیل لے جائے جانے کا امکان ہے۔

پی ٹی آئی کا بلوچستان ہائی کورٹ سے رجوع

دوسری جانب تحریک انصاف کے چیئرمین عمران خان کیخلاف کوئٹہ میں مقدمے کے اندراج کے معاملے پر پی ٹی آئی نے بلوچستان ہائی کورٹ سے رجوع کرلیا۔

درخواست میں موقف اختیار کیا گیا کہ تحریک انصاف کی جانب سے سابق وزیراعظم عمران خان کیخلاف مقدمے کے اخراج کیلئے باضابطہ درخواست جمع کروا دی گئی۔

پی ٹی آئی کی جانب سے درخواست میں کہا گیا کہ چیئرمین تحریک انصاف عمران خان کیخلاف غیرقانونی طور پر مقدمہ درج کیا گیا، ان کے خلاف بجلی روڈ کوئٹہ میں درج مقدمہ خارج کیا جائے۔

واضح رہے کہ صوبائی صدر قاسم خان سوری اور سابق وزیراعظم عمران خان کی قانونی ٹیم بلوچستان ہائی کورٹ میں موجود ہے۔