لاہور، زمان پارک میں سابق وزیراعظم عمران خان کی سیکیورٹی مکمل طور پر واپس لے لی گئی ہے جس کے بعد کارکنان نے رہائش گاہ کے اطراف سخت پہرہ دینا شروع کردیا ہے۔

تفصیلات کے مطابق پاکستان تحریک انصاف کے چیئرمین اور سابق وزیراعظم عمران خان کی زمان پارک میں رہائش گاہ کی سیکیورٹی واپس لے لی گئی ہے۔

اس صورتحال کی پیش نظر چیئرمین پی ٹی آئی عمران خان کی رہائش گاہ پر کارکنوں کی جانب سے سخت پہرہ دیا جارہا ہے جبکہ کنٹینرز بھی لگا دیے گئے ہیں۔

یہ بھی پڑھیں: عمران خان کی رہائشگاہ پر سیکیورٹی کے انتظامات مزید سخت

عمران خان کی زمان پارک رہائش گاہ کے باہر تحریک انصاف کے کارکنوں کی بڑی تعداد جمع ہے اور رہائش گاہ کے داخلی راستے پر پی ٹی آئی نےکنٹینرز لگا دئیے گئے ہیں۔

زمان پارک کے باہرکینال روڈ ہر ٹریفک رواں دواں ہے جبکہ مال روڈ انڈر پاس ٹریفک کے لئے کھلا ہے تاہم مال روڈ پل سے زمان پارک کی طرف ٹریفک بند کردیا گیا ہے۔

خیال رہے کہ زمان پارک میں دوبارہ آپریشن کے خدشات کی پیش نظر پی ٹی آئی کارکنان الرٹ ہیں ۔