لاہور، سابق وزیراعظم عمران خان کی رہائشگاہ زمان پارک میں صورتحال ایک بار پھر کشیدہ ہوگئی ہے جبکہ  سرکاری اسپتالوں میں ایمرجنسی بھی نافذ کردی گئی ہے۔

تفصیلات کے مطابق زمان پارک میں آج ایک بار پھر چیئرمین پی ٹی آئی عمران خان کو گرفتار کئے جانے کا خدشہ ہے جس کی پیش نظر پولیس اور کارکنان میں تصادم کا  سلسلہ جاری ہے۔

پولیس نے زمان پارک کو میدان جنگ میں تبدیل کر دیا

Advertisement

پولیس کی جانب سے آنسو گیس کی شیلنگ کے بعد پی ٹی آئی کے کارکنوں پر ڈائریکٹ فائرنگ#ReleaseShoaibShaikh #BOLNews pic.twitter.com/EZx28dtclo

— BOL Network (@BOLNETWORK) March 15, 2023

پولیس اور تحریک انصاف کے کارکنوں کے درمیان پتھراو اور شیلنگ کا سلسلہ وقفے وقفے سے جاری  ہے جبکہ پولیس کی جانب سے شیلنگ اور پتھراؤ کے باعث زمان پارک میں مقیم رہاشیوں کی املاک کو نقصان پہنچا ہے۔

یہ بھی پڑھیں: پی ٹی آئی رہنماؤں اور کارکنوں کیخلاف کئی شہروں میں مقدمات درج

اس کے علاوہ آنسو گیس کی شیلنگ اور پتھراؤ کے باعث کئی گھروں کی کھڑکیوں کے شیشے ٹوٹ گئے  ہیں جبکہ آنسو گیس کی شیلنگ کے باعث زمان پارک کے رہائشیوں کو شدید مشکلات کا سامنا ہے۔

پولیس کی ناکہ بندی کے باعث آنسو گیس کے متاثرین کو طبی امداد دینے میں بھی مشکلات کا سامنا ہے جبکہ زمان پارک کے رہائشی ناکہ بندی کے باعث گھروں میں مبحوس ہوکر رہ گئے ہیں۔

پولیس کی جانب سے آنسو گیس ک شیل لگنے سے کئی افراد زخمی ہوگئے ہیں جبکہ شیر خوار بچے بھی آنسو گیس سے شدید متاثر ہوئے ہیں۔

علاوہ ازیں مسلح پولیس تحریک انصاف کے کارکنوں پر سیدھے فائر اور شیلنگ کررہے ہیں  جس کے بعد ایک بار پھر زمان پارک کو میدان جنگ میں تبدیل کر دیا ہے۔

لاہور کے سرکاری اسپتالوں میں ایمرجنسی کا نفاذ برقرار رکھنے کا حکم:

زمان پارک میں پی ٹی آئی کارکنان اور پولیس میں تصادم کے باعث لاہور کے سرکاری اسپتالوں میں ایمرجنسی کا نفاذ برقرار رکھنے کا حکم  دے دیا گیا ہے۔

اس حوالے سے سروسز اسپتال انتظامیہ کا کہنا ہے کہ تصادم کے نتیجے میں 51 پولیس اہلکار زخمی لائے گئے ہیں جبکہ8 شہری بھی زخمی حالت میں اسپتال منتقل ہوئے ہیں۔