چیئرمین تحریک انصاف عمران خان نے توشہ خانہ کیس میں اسلام آباد ہائیکورٹ کے فیصلے کے خلاف سپریم کورٹ سے رجوع کر لیا۔

تفصیلات کے مطابق چیئرمین تحریک انصاف نے ایڈووکیٹ خواجہ حارث کی وساطت سے سپریم کورٹ میں اپیل دائر کی جس میں ضلعی الیکشن کمشنر اسلام آباد کو فریق بنایا گیا۔

درخواست میں استدعا کی گئی کہ ایڈیشنل سیشن جج ہمایوں دلاور کو توشہ خانہ ٹرائل سے روکا جائے، اسلام آباد ہائیکورٹ کے فیصلے کے خلاف اپیل منظور کی جائے اور اس کا فیصلہ کالعدم قرار دیا جائے، موکل کیخلاف توشہ خانہ فوجداری مقدمہ بھی کالعدم قرار دیا جائے۔

چیئرمین تحریک انصاف نے توشہ خانہ کی کارروائی روکنے کی بھی استدعا کر دی۔

درخواست میں مؤقف اپنایا گیا کہ اسلام آباد ہائیکورٹ نے ناقص فیصلہ دیا، توشہ خانہ فوجداری شکایت کا مقدمہ ناقابل سماعت ہے، قانون معیاد گزرنے کے بعد شکایت کا اندراج نہیں ہو سکتا، مقدمے کیلئے قانونی طریقہ کار نہیں اپنایا گیا۔

یہ بھی پڑھیں؛ توہین الیکشن کمیشن کیس میں فواد چوہدری کے ناقابل ضمانت وارنٹ گرفتاری جاری