گورنر سندھ کامران خان ٹیسوری نے نجی سودکاری اور قرض دینے والوں کے خلاف قانون سندھ پرائیویٹ بل 2023 پر دستخط کر دیے ہیں۔

سندھ پرائیویٹ بل 2023 کے مطابق مقروض کو حراساں کرنے پر 5 سال سزا اور 5 لاکھ تک جرمانہ ہوگا جبکہ سودخوری میں سہولت کار شخص یا کمپنی کی جائیداد ضبط بھی ہوسکتی ہے۔

قانون کے مطابق قرض سے ایک روپیہ اضافی وصول کرنے والے کے خلاف قانونی کارروائی کی جائے گی، بل پر گورنر کے دستخط کے بعد بل قانون بن گیا ہے۔

گورنر سندھ کامران ٹیسوری نے کہا کہ سودخوروں کے خلاف عوام درخواست دے حکومت کارروائی کرے گی، عوام شکایت درج کرائے قانون ان سے سختی سے نمٹے گا۔

کامران ٹیسوری نے کہا کہ اب کوئی قرض کی رقم پر سود نہیں لے سکتا، اگر اب بھی کوئی بلیک میل کرے یا سود دینے پر دھمکانے تو گورنر ہاؤس کے دروازے پر آئیں ہم ان سے نمٹیں گے۔