پاکستان مسلم لیگ پنجاب کے جنرل سیکرٹری چوہدری شافع حسین نے کہا ہے کہ انتخابات میں تاخیر ممکن ہے۔

تفصیلات کے مطابق پاکستان مسلم لیگ پنجاب کے جنرل سیکرٹری چوہدری شافع حسین نے میڈیا سے گفتگو کرتے ہوئے کہا کہ بڑی جدوجہد کے بعد پاکستان ہمیں حاصل ہوا تھا، حقیقی آزادی تو ہمیں 1947 میں ہی مل گئی تھی، تمام لوگوں کو چاہیے کے اپنی صفوں میں رہ کر اپنا کردار ادا کریں، یہاں لوگ جھوٹ زیادہ بولتے ہیں، جن لوگوں کو کام کرنا چاہیے وہ ڈرائینگ روم سیاست کرتے ہیں۔

شافع حسین نے کہا کہ ہمیں فخر ہونا چاہیے کہ ہمیں آزاد ملک ملا ہوا ہے، بھارت میں ابھی بھی مسلمان آزاد نہیں ہیں، مظلوم کشمیریوں کے لیے ہمیں دعا مانگنی چاہیے، جو لوگ 9 مئی کے واقعات میں شامل ہیں ان کو سزا ملنی چاہیے، جو لوگ اس میں شامل نہیں ہیں ان کو رہا کر دینا چاہیے، نگران وزیراعظم اپنا کام کریں گے، نگران وزیراعظم کے معاملے پر اس طرح مشاورت نہیں ہوئی جیسی ہونی چاہیے تھی۔

ان کا کہنا تھا کہ دفعہ ایک چوالیس کا نفاذ نہیں ہونا چاہیے، عوام بھر پور انداز میں جشن آزادی منا رہی ہے، چوہدری پرویز الٰہی کو بھی ضمانت ملنی چاہیے، مجھے انتخابات آگے جاتے ہوئے نظر نہیں آرہے، کسی بھی سیاسی جماعت پر پابندی نہیں ہونی چاہیے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/221823/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/08/221823/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں